20 ᑕᓱᐊᐦᑭ ᐊᐱ ᑲᑭᒪᑕᓄᑭᐊᐧᐸᐣ ᑲᓀᑎᔭᐣ ᐅᓄᑎᓂᑫᓴᐠ ᑭᐁᐧᑎᓄᐠ ᐅᐣᑌᕑᐃᔪ

ᑲᓀᑎᔭᐣ ᐅᓄᑎᓂᑫᓴᐠ ᒥᓇ ᑯᑕᑭᔭᐠ ᓄᑎᓂᑫᐃᐧᐊᓄᑭᐠ ᐊᔕ ᐅᑭᑭᔑᑐᓇᐊᐧ ᐁᑫᐧᓇᐠ ᐁᑭᑐᑕᒧᐊᐧᐨ ᐊᐧᓴ ᐁᑭᐃᔕᐊᐧᐨ ᑐᑲᐣ ᑲᐸᐸᒥᓇᓇᑲᒋᒋᑫᐃᐧ ᐱᒥᔭᓂᐊᐧᐠ ᑲᑐᒋᑲᑌᐠ, ᑭᐱᒥᔭᐊᐧᐠ 2,250 ᑭᓫᐊᒥᑐᕑᐢ ᐃᐢᑭᑐᑲᐠ ᐁᑭᐅᐣᒋᐱᒥᔭᐊᐧᑫᐊᐧᐨ ᐁᐅᒋ ᑭᑭᓇᐊᐧᑌᐣᑕᑯᑐᐊᐧᐨ ᐊᔕ 20 ᑕᓱᔭᑭ ᐁᐱᒥᐊᓄᑭᐊᐧᐨ ᐅᓄᑎᓂᑫᓴᐠ ᐁᐧᑎ ᑲᑕᓇᓄᑭᐊᐧᐨ ᑭᐁᐧᑎᓄᐠ ᐅᐣᑌᕑᐃᔪ.
ᐊᒥ ᐊᑫᐧᓇᐠ ᐊᐧᓴ ᐁᑭᐃᔕᐊᐧᐨ ᒥᓂᑯᐠ ᐅᐁᐧᓂ ᑲᐱᐅᐣᒋᐊᓄᑭᐊᐧᐨ ᐅᓄᑎᓂᑫᓴᐠ ᑭᐁᐧᑎᓄᐠ ᐅᐣᑌᕑᐃᔪ.
ᐃᒪ ᑭᐅᐣᒋᒪᒐᐊᐧᐠ ᒪᐱᐢᑭ ᓴᑲᐃᑲᓂᐠ, ᐯᔓᐨ ᐅᐣᑌᕑᐃᔪ ᑲᐃᑯᑎᐸᐦᐃᑲᑌᐠ ᒪᓂᑐᐸ ᐊᐦᑭᐠ, ᐁᑲᐧ ᐊᐱᐣ ᑭᔭᓂᐱᒥᔭᐊᐧᐠ ᓇᓀᐃᐧ ᑭᒋᑲᒥᐠ ᐦᐊᐟᓴᐣ ᐯ ᒥᓇ ᒉᒥᐢ ᐯ ᑲᓂᒪᐧᔦ ᐃᐱᓱᐧᐊᐨ ᔕᐊᐧᓄᐠ ᑲᐧᐠᕑᐊᐣ ᒪᔭᑦ ᑲᔭᓂᒪᒋᒋᑲᑌᓂᐠ ᐃᒪ ᐅᑌᓇᐠ ᐱᐳᓂ ᒣᑕᐁᐧᐃᐧᐃᔑᒋᑫᐃᐧᓂ.
ᐯᔑᑯᑯᐣ ᑕᐡ ᑭᐊᓀᐧᔑᓄᐊᐧᐠ, ᐁᑲᐧ ᐊᐱᐣ ᒥᓇᐊᐧ ᑲᑭᔭᓂ ᑭᐁᐧᐡᑲᐊᐧᐨ ᑭᐁᐧᑎᓄᐠ, ᐃᑭᐁᐧᓂᐊᐧᐠ ᐅᓄᑎᓂᑫᓴᐠ ᐁᑭᑭᐁᐧᐱᓱᐊᐧᐨ ᑲᐅᐣᒋᐊᐧᐨ ᐅᑕᓇᐱᐃᐧᓂᐊᐧᐠ ᐅᒪᐡᑭᑯᐃᐧ ᑕᔑᑫᐃᓇᐣ ᐊᑕᐊᐧᐱᐢᑲᐟ, ᐱᑕᐯᑯᐠ, ᐊᐧᔕᐦᐅᐠ, ᑭᔐᒋᐊᐧᓄᐠ, ᒧᐢ ᐸᐠᑐᕑᐃ, ᒥᓇ ᐱᐊᐧᓇᐠ. ᒪᒪᐤ 41 ᐅᓄᑎᓂᑫᓴᐠ ᑭᐃᐧᒋᑕᐧᐊᐧᐠ ᐸᐸᒥᔭᐃᐧᓂᐠ.
“ᒪᐊᐧᐨ ᐃᑯ ᓂᑭ ᑭᒋᓀᑕᐣ ᑲᑭᐸᐸᒥᔭᔭᐣ,” ᐃᑭᑐ ᑲᐅᐣᒋ ᐊᓂᑫᓂᑲᓂᓯᐨ ᒍᓫᐃᔭᐣ ᒐᑊᒪᐣ, ᑲᐅᐣᒋ ᐊᓂᑫ ᔑᒪᑲᓂᔑᐃᐧᑭᒪᐃᐧᐨ ᓄᑎᓂᑫᐃᐧ ᐊᓄᑭᐃᐧᓂᐠ ᐅᐣᑌᕑᐃᔪ ᐊᐦᑭᐠ, ᓂᐦᓱᑯᐣ ᐅᑭᐸᐸᒥᐃᐧᒋᐊᐧᐣ ᐅᓄᑎᓂᑫᓴᐠ ᑲᑭᐸᐸᒥᔭᐊᐧᐨ. “ᑲᐃᐧᐣ ᐃᐧᑲ ᓂᑲᐊᐧᓂᑫᓯᐣ ᓂᐦᓱᑯᐣ ᑲᑭᐸᐸᒥᔭᔭᐣ ᒥᓇ ᒥᐦᐅᐁᐧ ᒪᐊᐧᐨ ᐯᔑᐠ ᑲᑭ ᑭᒋᓀᑕᒪᐣ ᒥᓂᑯᐠ ᐊᔕ 34 ᑕᓱᔭᑭ ᑲᐅᐣᒋ ᐊᓄᑭᔭᐣ ᓄᑎᓂᑫᐃᐧᐊᓄᑭᐃᐧᓂᐠ. ᒪᐊᐧᐨ ᓂᑭᒋᓀᑕᐣ ᑲᑭᐃᐧᒋᐊᐧᑲᐧ ᐅᑯᐁᐧᓂᐊᐧᐠ ᐅᓄᑎᓂᑫᓴᐠ.
“ᑭᒋᓀᑕᑲᐧᐣ ᑭᐁᐧᑎᓄᐠ ᐃᓀᑫ ᐅᐣᑌᕑᐃᔪ ᒋᑕᓇᓄᑭᑕᒪᑫᐊᐧᐸᐣ ᐅᓄᑎᓂᑫᐊᐧᓄᐠ ᑭᑕᔑᑫᐃᐧᓂᓇᓂᐠ ᒥᓇ ᑲᓇᑕ ᑲᑲᐯᔑᐊᐧᐨ. ᒥᐦᐃᒪ ᒪᔭᑦ ᑲᓀᑎᔭᐣ ᐅᓄᑎᓂᑫᐊᐧᓄᐠ ᑫᑭᐅᐣᒋ ᐊᓄᑲᓇᐊᐧᐸᐣ ᑲᓇᑕ ᑲᑲᐯᔑᓂᐨ. ᐃᑭᐁᐧᓂᐊᐧᐠ ᒪᔭᑦ ᐅᓄᑎᓂᑫᓴᐠ ᐃᐧᓇᐊᐧ ᒪᔭᑦ ᒥᓯᐁᐧ ᑲᐸᐸᒥᔭᐊᐧᐨ ᒥᓇ ᑲᓇᓂᓴᓂᐦᐃᑎᓱᐊᐧᐨ ᑕᓱᑭᔑᑲ ᐁᐅᐣᒋ ᑲᓇᐁᐧᓂᒪᐊᐧᐨ ᑲᑲᐯᔑᐊᐧᐨ ᑭᐁᐧᑎᓄᐠ.”
ᐁᑲᐧ ᑕᐡ ᐊᑯᓇᐠ 20 ᑕᓱᔭᑭ ᐅᑕᓇᐠ ᐅᑯᐁᐧᓂᐊᐧᐠ ᑲᓀᑎᔭᐣ ᐅᓄᑎᓂᑫᓴᐠ, ᒪᒪᐤ 550 ᑭᐱᐅᐣᑎᓇᐊᐧᐠ ᐃᒪ 23 ᐸᐸᑲᐣ ᐊᓂᔑᓂᓂᐃᐧ ᑕᓇᐱᐃᐧᓇᐣ ᑌᑎᐸᐦᐃ ᐊᐧᓴ ᑭᐁᐧᑎᓄᐠ ᐅᐣᑌᕑᐃᔪ, ᐅᑭᓇᑯᑐᓇᐊᐧ ᑫᑯᓇᐣ ᑲᑭᐱᐊᐃᓇᓄᑭᑕᒪᑫᐊᐧᐨ. ᐃᒪ ᐃᓀᑫ ᓇᓇᑐᓂᑫᐃᐧᓂᐠ ᒥᓇ ᐱᒪᒋᐦᐃᐁᐧᐃᐧᓂᐠ ᑲᐊᐧᓂᔑᓂᓂᐨ ᑲᓇᓇᑕᐁᐧᐣᒋᑫᐊᐧᐨ, ᐅᐊᐧᓂᐦᐃᑫᐠ, ᐅᐸᑭᑕᐁᐧᐠ ᒥᓇ ᑲᑫᐧᓇᐃᐧᐱᐦᐃᐣᑕᐧ ᐱᑲᐧᒋᔭᐦᐃ ᑲᐸᐸᒥᔭᐊᐧᐨ ᑭᐱᐃᔑ ᐊᐧᐃᐧᒋᑕᐧᐊᐠ. ᐅᑭᐱᓇᑕᒪᐊᐧᐊᐧᐣ ᑲᑭᐸᐣᑭᓯᓂᐠ ᐱᒥᓭᐃᐧᓂ, ᐁᑲᐧ ᒥᓇ ᐃᒪ ᑭᐱᔑ ᑭᒋᐊᐧᐃᐧᒋᐦᐃᐁᐧᐊᐧᐠ ᑲᒪᒪᒋᐃᐧᓂᑕᐧ ᐊᓂᔑᓂᓂᐊᐧᐠ ᐅᑕᔑᑫᐃᐧᓂᐊᐧᐠ ᐯᔓᐨ ᑲᐱᓴᑭᑌᓂᐠ, ᑲᒪᒐᑲᒥᓂᐠ ᐅᓂᐱᒥᐊᐧ, ᓇᐣᑕ ᑲᓯᑲᐧᐠ ᑲᒧᐡᑭᐱᓭᓂᐠ ᐅᑕᓇᐱᐃᐧᓂᐊᐧᐠ. ᐁᑲᐧ ᒥᓇ ᑲᐃᔑᐸᐯᔑᑯᐊᐧᐨ ᐅᑭᐱᒪᒋᐦᐊᐊᐧᐣ ᐊᐃᐧᔭᐣ ᐁᑭᓴᑭᒋᐸᐦᐊᐊᐧᐨ ᑲᓴᑭᑌᓂᐠ ᐊᐧᑲᐦᐃᑲᓂ ᒥᓇ ᒪᐡᑭᑭᐃᐧ ᐃᐧᒋᐦᐃᐁᐧᐃᐧᓂᐠ ᑭᐡᐱᐣ ᑫᑕᑕᐃᐧᐣ ᑲᐱᒋᐃᔑᐁᐧᐱᓯᓂᐨ ᑐᑲᐣ ᑲᐱᑕᐦᐅᑯᐨ ᐸᐢᑭᓯᑲᓂ ᓇᐣᑕ ᒥᓇ ᐁᑭᐅᐣᒋ ᓇᑲᓇᐊᐧᐨ ᑲᑲᑫᐧ ᓂᓯᑎᓱᓂᐨ ᐊᐃᐧᔭᐣ.
ᐅᑕᓄᑭᑕᒪᑫᐃᐧᓂᐊᐧ ᑭᓂᓯᑕᐃᐧᓂᑲᑌᓂ ᐁᑭᐱ ᑭᑭᓇᐊᐧᒋᐦᐃᑕᐧ ᐁᒥᓂᑕᐧ ᑭᑭᓇᐊᐧᒋᐦᐅᐃᐧᓂ, ᒥᑭᐁᐧᐃᐧᐣ ᒥᓇ ᑭᒥᓇᐧᑭᒪᑲᓂᐃᐧᐊᐧᐠ. ᒪᒪᐤ 24 ᐅᓄᑎᓂᑫᓴᐠ ᑭ ᑭᑭᓇᐊᐧᒋᐦᐊᐊᐧᐠ ᑭᓇᐧᑲᐡ ᐊᔕ ᑲᐱᐊᓄᑭᐊᐧᐨ ᐅᑕᔑᑫᐃᐧᓂᐊᐧᐠ.
ᒥᓯᐁᐧ ᐅᒪ ᑌᑎᐸᐦᐃ ᑲᓇᑕ ᐊᐦᑭᐠ ᒪᒪᐤ 5,000 ᐅᓄᑎᓂᑫᓴᐠ ᐊᔭᐊᐧᐠ, ᐊᐱᑕ ᑲᔦ ᐃᒪ ᓄᑎᓂᑫᐃᐧᐊᓄᑭᐃᐧᓂᐠ ᐃᓇᓄᑭᐊᐧᐠ, ᐃᒪ ᐊᐊᐧᔑᒣ 200 ᑲᐱᑲᐧᑕᑭᐁᐧᐣᑕᑲᐧᑭᐣ ᑭᐁᐧᑎᓄᐠ ᑕᓇᐱᐃᐧᓇᐣ ᑕᓇᓄᑭᐊᐧᐠ.
“ᑭᒋᓀᑕᑲᐧᐣ ᐅᒪ ᑲᑕᑭᐧᓇᓂᐊᐧᐠ ᐊᓄᑭᐃᐧᓂᐠ,” ᐃᑭᑐ ᒪᐢᑐᕑ ᑲᐧᕑᐳᕑᐊᓫ ᑭᓂᐸᐟ ᑊᐯᐣᐢ ᐊᑕᐊᐧᐱᐢᑲᐟ ᐁᐅᒋᐨ, ᐱᒥᓭᐃᐧᑲᒥᑯᐠ ᐃᔑᐅᑭᒪᐃᐧ. “ᑲᐃᐧᐣ ᐃᐧᑲ ᓂᑲᐊᐧᓂᑫᓯᐣ ᒥᓂᑯᐠ ᑫᑯᓇᐣ ᑲᐱᔑᐊᐧᐊᐧᐸᐣᑕᒪᐣ. ᐯᔑᑲᐧ ᐁᑲᑭᔑᑲᐠ ᓂᑭᐸᐸᒥᐱᓱᒥᐣ ᐃᐢᑭᑐᑲᐠ 18 ᑕᓱᐊᐧᑲᓭ. ᑲᐃᐧᓂᐣ ᐃᑯ ᑲᐃᔑᒪᒥᓇᐧᑕᒧᐠ ᒥᑲᓇᐠ ᒋᓀᐣᑕᑲᐧᐠ ᑲᑭᐃᔑᐱᒥᔭᔭᐠ. ᐱᓇᒪ ᑲᔦ ᓂᑭᒥᑲᓇᑫᒥᐣ ᑫᓂᔕᔭᐠ ᒪᐊᐧᐨ ᑭᐊᓂᒪᐣ ᐁᑭᐡᑲᐧᑯᓇᑲᐠ ᒥᓇ ᐁᒪᒋᐁᐧᐸᐠ. ᑌᐯᐧ ᐱᑯ ᑭᐊᓂᒪᓄᐸᐣ.”
“ᓂᔑᑕᓇᐃᐧᐊᐦᑭ ᑕᐡ ᓂᓯᑕᐃᐧᓇᑲᐧᓂ ᒥᓂᑯᐠ ᐅᐁᐧᓂ ᑲᑭᐱᐃᓇᓄᑭᐊᐧᐨ ᐅᓄᑎᓂᑫᓴᐠ ᑭᐁᐧᑎᓄᐠ ᐅᐣᑌᕑᐃᔪ,” ᐃᑭᑐ ᑲᑊᑎᐣ ᒪᕑᐠ ᕑᐃᐟᐊᐧᐨ, ᒪᔭᑦ ᑲᐅᒋᓂᑲᓂᐡᑲᐊᐧᐨ ᐅᓄᑎᓂᑫᓴᐠ. “ᑲᐃᐧᐣ ᐃᐧᑲ ᓂᑭᐱᐅᐣᒋ ᑐᑕᓯᒥᐣ ᐊᐧᓴ ᒋᐱᒥᔭᔭᐠ. ᒥᑕᐡ ᑲᑭᐃᓀᑕᒪᑭᐸᐣ ᒥᐦᐅᒪ ᑫᑭᐅᐣᒋ ᑭᑭᓇᐊᐧᓯᓇᑯᑐᔭᑭᐸᐣ ᒥᓂᑯᐠ ᑲᑭᐱᔑ ᑲᐡᑭᐦᐅᐊᐧᐨ ᑲᓀᑎᔭᐣ ᐅᓄᑎᓂᑫᓴᐠ ᒋᓇᑯᑕᒪᑫᔭᐠ ᑕᔑᑫᐃᐧᓇᐣ ᑲᑭᐱᑕᓇᓄᑭᑕᒪᑫᔭᐠ ᒥᓇ ᐱᑯ ᑲᓀᑎᔭᐣ ᓄᑎᓂᑫᐃᐧ ᐊᓄᑭᐃᐧᓂᐠ.
ᕑᐃᐟᐊᐧᐨ ᐃᑭᑐ ᑭᐱᒥᔭᐊᐧᐠ ᒣᑲᐧᐨ -60 ᑲᐊᐱᒋᑕᑭᓄᐁᐧᓂᐠ ᒥᓇ ᒣᑲᐧᐨ ᑲᑭ ᑭᒋᐱᐊᐧᓂᐠ.
“ᐅᑯᐁᐧᓂᐊᐧᐠ ᑲᑭᐱᒥᔭᐊᐧᐨ ᑭᑭᐁᐧᐡᑲᐊᐧᐠ ᐯᔑᑯᐊᐧᑲᓭ ᑲᐃᐡᑲᐧᒪᒐᐊᐧᐨ ᐱᐊᐧᓇᐠ ᑲᑭᐅᐣᒋᒪᒐᐊᐧᐸᐣ,” ᐃᑭᑐ. “ᑲᐃᐧᐣ ᐅᑐᐣᒋᐊᐧᐸᑕᓇᐊᐧ ᐊᐣᑎ ᑲᑭᔭᓂᐱᓱᑲᐁᐧᓂᐨ ᑲᑭᓂᑲᓂᐱᓱᓂᐨ. ᒪᐊᐧᐨ ᐃᑯ ᑭᑭᒋᐱᐳᑌᓄᐁᐧ ᒥᐱᑯᐊᐱᐣ ᓀᐅᐨ ᑲᐃᔑᓂᐣᑲᐧᑕᓯᓂᐠ ᑲᔭᓂᔑᑲᐁᐧᐊᐧᐨ ᐁᑲ ᐁᑭᐊᐧᐸᑕᒧᐊᐧᐨ. ᑭᔭᓂ ᑲᑭᐱᒋᓭᐊᐧᐠ ᑲᔦ ᐃᐣᑭᑐᐠ. ᐁᑭᑭᐸᐧᑲᐧᑎᐣᑭᐣ ᑲᓴᓂᐃᐧᔭᐱᐣ ᒥᓇ ᑲᐅᐣᒋ ᐃᐡᑯᑌᐃᐧᓭᐨ. ᒥᐅᓄ ᐊᑎᐟ ᑫᑯᓇᐣ ᑲᑭᐊᓂᒥᐦᐃᑯᐊᐧᐨ ᐁᑲᐧ ᔕᑯᐨ ᐅᓄᑎᓂᑫᓴᐠ ᐅᑭ ᑭᑫᐣᑕᓇᐊᐧ ᑫᑐᑕᒧᐊᐧᐨ.”
ᔑᒪᑲᓂᔑᐃᐧᑭᒪ ᒐᑊᒪᐣ ᐃᑭᑐ ᐁᐧᑎ ᔕᐊᐧᓄᐠ ᐅᐣᑌᕑᐃᔪ ᑲᑲᐯᔑᐊᐧᐨ ᑲᐃᐧᐣ ᓇᐱᐨ ᐅᓇᓂᓯᑕᐁᐧᐣᑕᓯᓇᐊᐧ ᐁᓀᐣᑕᑲᐧᓂᐠ ᑭᐁᐧᑎᓄᐠ.
“ᓂᓇᐃᐧᐟ ᔕᐊᐧᓄᐠ ᑲᐅᐣᒋᔭᐠ ᑲᐃᐧᐣ ᓂᓂᓯᑕᐁᐧᑕᓯᒥᐣ ᐊᓂᐣ ᒪᔭᑦ ᐁᑐᑕᒧᐊᐧᐨ ᐅᑯᐁᐧᓂᐊᐧᐠ ᐅᓄᑎᓂᑫᓴᐠ ᑕᓱᑭᔑᑲ ᐁᐧᑎ ᑭᐁᐧᑎᓄᐠ ᒥᓇ ᐊᓂᐣ ᐁᐱᒋ ᑭᒋᓀᑕᑯᓯᐊᐧᐨ ᐅᑕᔑᑫᐃᐧᓂᐊᐧᐠ.” ᐃᑭᑐ. “ᑭᐁᐧᑎᓄᐠ ᑲᑕᔑᐱᒪᑎᓯᓇᓂᐊᐧᐠ ᒥᑐᓂ ᑭᒋᐊᓄᑭᐁᐧᐣᑕᑲᐧᐣ ᒥᓇ ᐊᓂᒪᐣ, ᒣᑲᐧᐨ ᐅᑎ ᒪᐊᐧᐨ ᑲᒣᑲᐧᐱᐳᐠ. ᑲᑭᓇ ᑲᓀᑎᔭᐣ ᓇᑕᐁᐧᐣᑕᑯᓯᐸᐣ ᒋᑭᑲᑫᐧ ᐊᐧᐸᑕᑭᐸᐣ ᒥᓇ ᓂᓯᑕᐁᐧᐣᑕᑭᐸᐣ ᐊᓂᐣ ᑭᐁᐧᑎᓄᐠ ᐁᐱᑌᐣᑕᑲᐧᐠ.
ᒐᑊᒪᐣ ᐃᑭᑐ ᐅᑯᐁᐧᓂᐊᐧᐠ ᐅᓄᑎᓂᑫᓴᐠ ᐅᑕᑭᑲᑫᐧ ᑭᒋᓀᑕᓇᐊᐧ ᐅᐁᐧᓂ ᑲᐃᔑᑲᐡᑭᑐᐊᐧᐨ.
“ᑲᐃᐧᐣ ᐃᑯ ᐁᑕ ᐃᒪ ᐱᑲᐧᑕᑭᐃᐧ ᐸᐸᒥᔭᐃᐧᓂᐠ ᐃᒪ ᐱᑯ ᑲᑭᓇ ᑫᑯᓇᐣ ᑲᐱᐃᓇᓄᑭᑕᒪᑫᐊᐧᐨ ᐅᑕᔑᑫᐃᐧᓂᐊᐧᐠ ᒥᓇ ᑲᓇᑕ ᐊᐦᑭᐠ. ᒪᐊᐧᐨ ᐃᑯ ᑲᐧᔭᐠ ᔑᒪᑲᓂᔑᐃᐧᐊᐧᐠ.”
ᑲᑭᐸᑭᑎᓇᐠ ᐅᐃᐧᐣᑕᒪᑫᐃᐧᐣ, ᓫᐅᑌᓀᐟ ᒉᓄᕑᐊᓫ ᒪᕑᑭ ᐦᐁᔾᐣᐢ. ᑲᓂᑲᓂᐨ ᑲᓀᑎᔭᐣ ᓄᑎᓂᑫᐃᐧ ᐊᓄᑭᐃᐧᓂᐠ, ᐅᑭᒪᒥᑫᐧᒋᐃᐧᐦᐊᐣ ᑲᓀᑎᔭᐣ ᐅᓄᑎᓂᑫᓴᐣ 20 ᑕᓱᔭᑭ ᑲᑭᐱᐊᓄᑭᑕᒪᑫᐊᐧᐨ ᑭᐁᐧᑎᓄᐠ ᐅᐣᑌᕑᐃᔪ.
“ᑲᓇᓇᑯᓯᐊᐧᐨ ᐃᒪ ᐅᑎᐟ ᐅᐣᑌᕑᐃᔪ ᒪᐊᐧᐨ ᑲᐃᔑᐱᑲᐧᑕᑭᐁᐧᐣᑕᑲᐧᓂᐠ ᑕᔑᑫᐃᐧᓇᐣ ᒥᐦᐃᒪ ᐁᐅᒋ ᑫᒋᓇᐁᐧᐣᑕᒧᐊᐧᐨ ᑲᓀᑎᔭᐣ ᐅᓄᑎᓂᑫᐠ ᐁᑲᐧᔭᐣᒋᑲᐸᐃᐧᐊᐧᐨ ᒋᒥᑲᓱᑕᒪᑫᐊᐧᐨ ᐅᒪ ᑲᓇᑕ ᐊᐦᑭᐠ ᒥᓇ ᐱᑯ ᒋᐅᒋ ᐃᐧᒋᐦᐃᐁᐧᐊᐧᐨ ᑲᐃᔑᓇᓄᑌᓭᓇᓂᐊᐧᓂᐠ,” ᑭᐃᑭᑐ. “ᐊᑯᓇᐠ ᑕᐡ ᐊᔕ ᓂᔑᑕᓇ ᑕᓱᔭᑭ ᑲᓀᑎᔭᐣ ᑭᐱᐊᓄᑭᑕᒪᑫᐊᐧᐠ ᐅᑕᔑᑫᐃᐧᓂᐊᐧᐠ ᒥᓇ ᐃᒪ ᑲᓀᑎᔭᐣ ᓄᑎᓂᑫᐃᐧᓂᐠ, ᒥᓇ ᐅᑭᐱᓇᑯᑐᓇᐊᐧ ᐁᒪᐡᑲᐃᐧᓯᐊᐧᐨ, ᐁᑭᒋᓀᐣᑕᒧᐊᐧᐨ ᒥᓇ ᐁᑲᐧᔭᐣᒋᐊᐧᐨ.”
ᓴᕑᒋᐣᐟ ᐱᑐᕑ ᒧᐣ ᐅᑐᒋ ᑲᓇᐊᐧᐸᑕᐣ ᐊᓄᑭᑕᒪᑫᐃᐧ ᑲᓇᐊᐧᐸᒋᑫᐃᐧᓂᐠ 3rd Canadian Ranger ᐅᓄᑎᓂᑫᓴᐠ ᐃᒪ ᑲᓀᑎᔭᐣ ᓄᑎᓂᑫᐃᐧ ᐊᓄᑭᐃᐧᓂᐠ ᐸᐧᕑᑎᐣ.
ᓄᑎᓂᑫᐃᐧ ᐊᓄᑭᐃᐧᓂᐠ.
ᕑᐃᐟᐊᐧᐨ ᐃᑭᑐ ᑭᐱᒥᔭᐊᐧᐠ ᒣᑲᐧᐨ -60 ᑲᐊᐱᒋᑕᑭᓄᐁᐧᓂᐠ ᒥᓇ ᒣᑲᐧᐨ ᑲᑭ ᑭᒋᐱᐊᐧᓂᐠ.
“ᐅᑯᐁᐧᓂᐊᐧᐠ ᑲᑭᐱᒥᔭᐊᐧᐨ ᑭᑭᐁᐧᐡᑲᐊᐧᐠ ᐯᔑᑯᐊᐧᑲᓭ ᑲᐃᐡᑲᐧᒪᒐᐊᐧᐨ ᐱᐊᐧᓇᐠ ᑲᑭᐅᐣᒋᒪᒐᐊᐧᐸᐣ,” ᐃᑭᑐ. “ᑲᐃᐧᐣ ᐅᑐᐣᒋᐊᐧᐸᑕᓇᐊᐧ ᐊᐣᑎ ᑲᑭᔭᓂᐱᓱᑲᐁᐧᓂᐨ ᑲᑭᓂᑲᓂᐱᓱᓂᐨ. ᒪᐊᐧᐨ ᐃᑯ ᑭᑭᒋᐱᐳᑌᓄᐁᐧ ᒥᐱᑯᐊᐱᐣ ᓀᐅᐨ ᑲᐃᔑᓂᐣᑲᐧᑕᓯᓂᐠ ᑲᔭᓂᔑᑲᐁᐧᐊᐧᐨ ᐁᑲ ᐁᑭᐊᐧᐸᑕᒧᐊᐧᐨ. ᑭᔭᓂ ᑲᑭᐱᒋᓭᐊᐧᐠ ᑲᔦ ᐃᐣᑭᑐᐠ. ᐁᑭᑭᐸᐧᑲᐧᑎᐣᑭᐣ ᑲᓴᓂᐃᐧᔭᐱᐣ ᒥᓇ ᑲᐅᐣᒋ ᐃᐡᑯᑌᐃᐧᓭᐨ. ᒥᐅᓄ ᐊᑎᐟ ᑫᑯᓇᐣ ᑲᑭᐊᓂᒥᐦᐃᑯᐊᐧᐨ ᐁᑲᐧ ᔕᑯᐨ ᐅᓄᑎᓂᑫᓴᐠ ᐅᑭ ᑭᑫᐣᑕᓇᐊᐧ ᑫᑐᑕᒧᐊᐧᐨ.”
ᔑᒪᑲᓂᔑᐃᐧᑭᒪ ᒐᑊᒪᐣ ᐃᑭᑐ ᐁᐧᑎ ᔕᐊᐧᓄᐠ ᐅᐣᑌᕑᐃᔪ ᑲᑲᐯᔑᐊᐧᐨ ᑲᐃᐧᐣ ᓇᐱᐨ ᐅᓇᓂᓯᑕᐁᐧᐣᑕᓯᓇᐊᐧ ᐁᓀᐣᑕᑲᐧᓂᐠ ᑭᐁᐧᑎᓄᐠ.
“ᓂᓇᐃᐧᐟ ᔕᐊᐧᓄᐠ ᑲᐅᐣᒋᔭᐠ ᑲᐃᐧᐣ ᓂᓂᓯᑕᐁᐧᑕᓯᒥᐣ ᐊᓂᐣ ᒪᔭᑦ ᐁᑐᑕᒧᐊᐧᐨ ᐅᑯᐁᐧᓂᐊᐧᐠ ᐅᓄᑎᓂᑫᓴᐠ ᑕᓱᑭᔑᑲ ᐁᐧᑎ ᑭᐁᐧᑎᓄᐠ ᒥᓇ ᐊᓂᐣ ᐁᐱᒋ ᑭᒋᓀᑕᑯᓯᐊᐧᐨ ᐅᑕᔑᑫᐃᐧᓂᐊᐧᐠ.” ᐃᑭᑐ. “ᑭᐁᐧᑎᓄᐠ ᑲᑕᔑᐱᒪᑎᓯᓇᓂᐊᐧᐠ ᒥᑐᓂ ᑭᒋᐊᓄᑭᐁᐧᐣᑕᑲᐧᐣ ᒥᓇ ᐊᓂᒪᐣ, ᒣᑲᐧᐨ ᐅᑎ ᒪᐊᐧᐨ ᑲᒣᑲᐧᐱᐳᐠ. ᑲᑭᓇ ᑲᓀᑎᔭᐣ ᓇᑕᐁᐧᐣᑕᑯᓯᐸᐣ ᒋᑭᑲᑫᐧ ᐊᐧᐸᑕᑭᐸᐣ ᒥᓇ ᓂᓯᑕᐁᐧᐣᑕᑭᐸᐣ ᐊᓂᐣ ᑭᐁᐧᑎᓄᐠ ᐁᐱᑌᐣᑕᑲᐧᐠ.
ᒐᑊᒪᐣ ᐃᑭᑐ ᐅᑯᐁᐧᓂᐊᐧᐠ ᐅᓄᑎᓂᑫᓴᐠ ᐅᑕᑭᑲᑫᐧ ᑭᒋᓀᑕᓇᐊᐧ ᐅᐁᐧᓂ ᑲᐃᔑᑲᐡᑭᑐᐊᐧᐨ.
“ᑲᐃᐧᐣ ᐃᑯ ᐁᑕ ᐃᒪ ᐱᑲᐧᑕᑭᐃᐧ ᐸᐸᒥᔭᐃᐧᓂᐠ ᐃᒪ ᐱᑯ ᑲᑭᓇ ᑫᑯᓇᐣ ᑲᐱᐃᓇᓄᑭᑕᒪᑫᐊᐧᐨ ᐅᑕᔑᑫᐃᐧᓂᐊᐧᐠ ᒥᓇ ᑲᓇᑕ ᐊᐦᑭᐠ. ᒪᐊᐧᐨ ᐃᑯ ᑲᐧᔭᐠ ᔑᒪᑲᓂᔑᐃᐧᐊᐧᐠ.”
ᑲᑭᐸᑭᑎᓇᐠ ᐅᐃᐧᐣᑕᒪᑫᐃᐧᐣ, ᓫᐅᑌᓀᐟ ᒉᓄᕑᐊᓫ ᒪᕑᑭ ᐦᐁᔾᐣᐢ. ᑲᓂᑲᓂᐨ ᑲᓀᑎᔭᐣ ᓄᑎᓂᑫᐃᐧ ᐊᓄᑭᐃᐧᓂᐠ, ᐅᑭᒪᒥᑫᐧᒋᐃᐧᐦᐊᐣ ᑲᓀᑎᔭᐣ ᐅᓄᑎᓂᑫᓴᐣ 20 ᑕᓱᔭᑭ ᑲᑭᐱᐊᓄᑭᑕᒪᑫᐊᐧᐨ ᑭᐁᐧᑎᓄᐠ ᐅᐣᑌᕑᐃᔪ.
“ᑲᓇᓇᑯᓯᐊᐧᐨ ᐃᒪ ᐅᑎᐟ ᐅᐣᑌᕑᐃᔪ ᒪᐊᐧᐨ ᑲᐃᔑᐱᑲᐧᑕᑭᐁᐧᐣᑕᑲᐧᓂᐠ ᑕᔑᑫᐃᐧᓇᐣ ᒥᐦᐃᒪ ᐁᐅᒋ ᑫᒋᓇᐁᐧᐣᑕᒧᐊᐧᐨ ᑲᓀᑎᔭᐣ ᐅᓄᑎᓂᑫᐠ ᐁᑲᐧᔭᐣᒋᑲᐸᐃᐧᐊᐧᐨ ᒋᒥᑲᓱᑕᒪᑫᐊᐧᐨ ᐅᒪ ᑲᓇᑕ ᐊᐦᑭᐠ ᒥᓇ ᐱᑯ ᒋᐅᒋ ᐃᐧᒋᐦᐃᐁᐧᐊᐧᐨ ᑲᐃᔑᓇᓄᑌᓭᓇᓂᐊᐧᓂᐠ,” ᑭᐃᑭᑐ. “ᐊᑯᓇᐠ ᑕᐡ ᐊᔕ ᓂᔑᑕᓇ ᑕᓱᔭᑭ ᑲᓀᑎᔭᐣ ᑭᐱᐊᓄᑭᑕᒪᑫᐊᐧᐠ ᐅᑕᔑᑫᐃᐧᓂᐊᐧᐠ ᒥᓇ ᐃᒪ ᑲᓀᑎᔭᐣ ᓄᑎᓂᑫᐃᐧᓂᐠ, ᒥᓇ ᐅᑭᐱᓇᑯᑐᓇᐊᐧ ᐁᒪᐡᑲᐃᐧᓯᐊᐧᐨ, ᐁᑭᒋᓀᐣᑕᒧᐊᐧᐨ ᒥᓇ ᐁᑲᐧᔭᐣᒋᐊᐧᐨ.”
ᓴᕑᒋᐣᐟ ᐱᑐᕑ ᒧᐣ ᐅᑐᒋ ᑲᓇᐊᐧᐸᑕᐣ ᐊᓄᑭᑕᒪᑫᐃᐧ ᑲᓇᐊᐧᐸᒋᑫᐃᐧᓂᐠ 3rd Canadian Ranger ᐅᓄᑎᓂᑫᓴᐠ ᐃᒪ ᑲᓀᑎᔭᐣ ᓄᑎᓂᑫᐃᐧ ᐊᓄᑭᐃᐧᓂᐠ ᐸᐧᕑᑎᐣ.