Nikanishkamowin kakikinwa-amawintwa minoseni e-apachitowach

Kikinwa-amawakanak Katrina Fiddler shikwa Bethany Durocher kiwichitwawak eki-oshisichikatenik noonkom ka-akiwaninik kikinwa-amatiwikamikoonk Ecole Gron Morgan anishinaaabewi-nimi-itiwin.
“Nitoonchiwawichitwa apane Grade 6,” ikito Fiddler,asha Grade 8 ishipi-ikaso miweti wenchich Nekawisaka-ikanink. “kishipin kikentasiwan aanti kapi-oonchiyan weshkach, nitinentan ekichi-inetakwak apinoonchishak chikikentamowach aanti wenchiwach, aanti ka-ontatisiwach weti otanank.”
Fiddler ikito keyapi nichishanak opiminisha-anawa anishinaabewipimaatisiwin shikwa owawintamake minik kekentan anishinaabewipimaatisiwin.
“Ominwetanawa ka-ishikeyaank o-oma kikinwa-amatiwikamikoonk, eki-oshisitoyaank nimi-itiwin,”Fiddler ikito, apane kamachisek nisho kiisis nitoonch wawichitwa. “niminwentan enimi-itink o-oma kikinwa-amatiwikamikoonk chikikentamowach paakaan kikinwa-amawakanak aniin eshipimaatisiyaank shikwa kaawin kipakaansisimin.”
Grade 7 ishipi-ikaso kikinwa-amawakan Durocher,ikito oniki-iko-i ominwetamini aniin eshikikinwa-amawinch i-ima kikinwa=amatiwikamikoonk pashkwekino apachitakanan e-oshitowach.
“Omamakasinanawan ka-oshitoyank mi-i-eshi-atawentamowach keyapi,” Durocher ikito.
Kichi-inetakwan chikikenchikatek anishinaabe ka-ishipimaatisich pinish weti nikanaya-ink.”
“ta-onishishin chiwapanchikatekin anishinaabewiapachitakanan i-ima kikinwa-amatiwikamikoonk,”Durocher ikito,mi-ipayashi ekikentaminich oniki-ikoo-i api kakipakitinikatenik tipachimowin.
Nikanishkamowin kikinwa-amate i-ima Ecole Gron Morgan nishiwak kikinwa-amakanak kaki-otapinamowach. Keyapi ninkotwasowak kawawichitowach kekoon e-inakamikaninik.
“Nathaniel Moses,ka-anookitawach oshkipimaatisi-i ikito kikinwa-amawakanak wawichitowak kekoon e-inakamikanink o-oma kikinwa-amatiwikamikoonk.
“misiwe o-oma kikinwa-amatiwikamikoonk wawichitowak memitake nawakwewisiniwin shikwa nakachichikewak i-ima otabanink.”
Moses ikito miwak-oko kanikanishkamowach o-wawichi-awan kapikiyotamakowach i-ima kikinwa-amatiwikamikoonk.
Mi-i eshikanawapatamowach chiminosek shikwa chikakwechimawach kapikiyotamakowach taka chiminosenich,”Moses ikito, “chimamikiwewach kwapi, michim shikwa kakina kekoon.”
Kikinwa-amawakan Fiddler kimina kakina e-kishaposhkan okikinwa-amakowinan shikwa kimina youth achievement award otanank weti akink.
“wiin oki-onenimaan awenen kenikanisinich nookom kakishikak,”Moses ikito.
Minik ka-inakamikak mi-ima wenchikikentamowach nikanishkamowin e-witanookimawach pepaakaan opimaatisi-i o-oma misiwe otenank, Moses ikito.
Kamichi-anookiwach tawawichitwawak chiniminosenik otanookiwiniwan,”Moses ikito. “kamichi-anookitamakewach okapimiwitonawa chiminosenikin annokiwinan pinish weti nikanink.”