ᓇᑕᐁᐧᐣᑕᑲᐧᐣ ᒋᐊᔭᐠ ᐃᐡᑯᓂᑲᓂᐠ ᐳᓂᐃᐧᑲᒥᑯᐠ ᐱᒥᓭᐃᐧᑲᒥᑯᐠ ᐊᐸᒋᒋᑲᐣ ᑲᐃᐧᐣᒋᑫᒪᑲᐠ ᑲᐱᐳᓂᒪᑲᐠ ᐱᒥᓭᐃᐧᐣ

ᕑᐃᐠ ᑲᕑᐃᐠ
ᐊᐧᐊᐧᑌ ᐊᒋᒧᐃᐧᓇᐣ
ᐁᑲ ᑲᑕᑲᐧᐠ ᐱᒥᓭᐃᐧᑲᒥᑯᐠ ᐊᐸᒋᒋᑲᐣ ᑲᐅᒋᐃᐧᐣᒋᑫᒪᑲᐠ ᑲᐱᐳᓂᒪᑲᐠ ᐱᒥᓭᐃᐧᐣ ᐃᒪ ᒣᒣᑫᐧᔑᐃᐧᓴᑲᐃᑲᓂᐠ ᒥᐦᐅᐁᐧ ᒪᐊᐧᐨ ᑭᒋᑫᑯᐣ ᑲᑭᐃᐧᐣᒋᑲᑌᐠ ᑲᐸᐸᔐᐣᑕᑲᐧᐠ ᒋᑭᑲᑫᐧᐊᔭᑭᐸᐣ ᓄᑯᒥᑫ ᑲᑭᐊᔭᑭᓀ ᑭᐅᑫᐊᐧᐸᐣ ᐅᑎᐸᒋᒧᐠ ᐃᒪ ᓂᔭᓇᐣ ᐊᓂᔑᓇᐯ ᐊᐢᑭ ᐃᐡᑯᓂᑲᓇᐣ.
“ᒪᐊᐧᐨ ᐃᑯ ᓂᓇᑕᐁᐧᐣᑕᐣ ᐅᐁᐧ ᐊᐸᒋᒋᑲᐣ ᒋᐊᔭᒪᐠ ᓂᐱᒥᓭᐃᐧᑲᒥᑯᓇᐣ” ᑭᐃᑭᑐ ᒣᒣᑫᐧᔑᐃᐧᓴᑲᐃᑲᓂ ᐅᑭᒪᑲᐣ ᕑᐃᑕ ᑕᐧᑦᓴᐣ ᒣᑲᐧᐨ ᒉᐣᐁᐧᕑᐃ ᐱᓯᑦ 18 ᑲᐃᓇᑭᓱᓂᐨ ᑲᑭᐊᔭᒥᐦᐊᐨ ᒥᓯᐁᐧᑲᒥᐠ ᒥᓇ ᐅᒪ ᐯᔓᐨ ᑌᑎᐸᐦᐃ ᑲᐃᔑᐸᑭᑎᓇᒧᐊᐧᐨ ᑎᐸᒋᒧᐃᐧᓇᐣ ᑲᑭᐱ ᐱᔕᐊᐧᐨ ᐃᒪ ᑲᑭᐃᔑᐸᐣᑭᓯᓂᐠ ᑭᐢᑐᐣ ᐁᕑ ᐱᒥᓭᐃᐧᓂ ᒣᑲᐧᐨ ᐁᑲᑫᐧᐳᓂᒪᑲᑭᐸᐣ ᐃᐁᐧ ᐱᒥᓭᐃᐧᐣ ᑲᑭᓄᐣᑌᐸᐣᑭᓯᐠ ᒉᐣᐁᐧᕑᐃ ᐱᓯᑦ 10 ᐁᑲᐧ ᑲᔦ ᒪᐊᐧᐨ ᑭ ᑭᒋᓱᑭᐸᐧᓂᓄᐁᐧᐸᐣ ᐃᐁᐧ ᐊᐱ. “ᑲᓂᑲ ᐊᐱ ᑫᐃᓯᓭᑫᐧᐣ, ᐸᓂᒪ ᑲᓇᐱᑯ ᑭᒋᒪᒋᓭᐃᐧᐣ ᐁᓇᑭᐡᑭᒪᐠ ᑫᑲᐱ ᓂᑲᐱᓯᐢᑫᓂᒥᑯᐣ. ᒥᑐᓂ ᐱᑯ ᐊᐧᐊᐧᓀᐣᑕᑲᐧᐣ.”
ᓂᐃᐧᐣ ᐊᐃᐧᔭᐠ ᑭᐊᐱᒋᔑᓄᐠ ᐃᒪ ᐱᒥᓭᐃᐧᓀᓯᐠ ᓇᐸᐦᐅ ᑲᑭᐸᐣᑭᓯᐠ ᒥᓇ ᑭᐸᓯᑌᐁᐧᐱᓯᐣ ᐊᐧᑭᑎᑯᑦ ᐯᔑᑯᑎᐸᐦᐊᑲᐣ ᓂᑲᑌ ᐱᒥᓭᐳᓂᐃᐧᓂᐠ. ᐯᔑᐠ ᐁᑕ ᑲᐃᐧᐣ ᒋᐅᒋ ᐊᐱᒋᔑᐠ.
“ᑲᐃᐧᐣ ᓂᑭᑫᐣᑕᓯᐣ ᑭᐡᐱᐣ ᑭᑫᐣᑕᒧᐊᐧᑯᐸᓀᐣ ᒪᐊᐧᐨ ᐁᑭ ᑭᒋᒪᒋᑭᔑᑲᓂᐠ ᐊᐱ ᑲᐱᑕᑲᐧᑯᒋᓄᐊᐧᐨ” ᐃᑭᑐ ᑕᐧᑦᓴᐣ. “ᑲᐃᐧᓂᐣ ᑲᓇᑫ ᐊᑲᒥᐠ ᒋᑭᐅᐣᒋ ᑌᐱᓇᑲᐧᐠ ᐁᐱᒋᒪᒋᑭᔑᑲᐠ ᐊᐱᐣ ᑲᐱᑲᑫᐧᐳᓂᒪᑲᐠ.”
ᐃᓇᐱᐣ ᐸᑭᑭᓂᑲᓂᐠ 6
ᐃᒪ ᐅᒋ ᐸᑭᑭᓂᑲᓂᐠ 1
ᑕᐧᑦᓴᐣ ᐁᑲᐧ ᒥᓇ ᒣᒣᑫᐧᔑᐃᐧᓴᑲᐃᑲᓂ ᐅᑭᒪᑲᓂᔑᐡ ᑲᑦᕑᐊᐣ ᕑᐁ ᐅᑕᓇᑭᐃᔑ ᐃᐧᐣᑕᓇᐊᐧᐸᐣ ᐱᓇᒪ ᒋᐱᓂᑲᓂ ᑭᑐᐊᐧᐨ ᐁᒪᐧᔦ ᐱᒪᒐᐊᐧᐨ ᐊᓂᐣ ᐁᔑᑭᔑᑲᓂᐠ.
ᐊᐧᐁᐧ ᑕᐡ ᑲᑦᐸᓂ ᑲᐸᑭᑎᓇᐠ ᐱᒥᓭᐃᐧᑲᒥᑯ ᐊᐸᒋᒋᑲᓇᐣ ᑲᐅᒋ ᐃᐧᐣᒋᑫᒪᑲᐠ ᑲᐱᐳᓂᒪᑲᑭᐣ ᐱᒥᓭᐃᐧᓇᐣ ᐊᔕ ᐅᑭᐱᐃᐧᐣᑕᐣ ᒋᐱᐸᑭᑎᓇᑭᐣ ᐃᒪ ᒣᒣᑫᐧᔑᐃᐧᓴᑲᐃᑲᓂᐠ ᒥᓇ ᑭᐁᐧᐃᐧᐣ ᐁᒪᐧᔦ ᓂᑭᑯᐱᓯᑦ 2012.
ᐁᑲᐧ ᒥᓇ ᐁᑲ ᑲᑭᑎᒪᑭᓇᑲᐧᑭᐣ ᐊᐧᑲᐃᑲᓇᐣ, ᐁᑲ ᑲᐧᔭᐠ ᑲᐃᔑᓇᑲᐧᑭᐣ ᒧᐊᐧᐳ ᑲᐃᓇᔑᑲᐃᐧᒋᑲᑌᑭᐣ ᒥᓇ ᑲᓄᑌᓭᐃᐧᓇᑲᐧᐠ ᑭᑭᓄᐦᐊᒪᑫᐃᐧᐣ ᒥᐅᓄ ᐊᑎᐟ ᑫᑯᓇᐣ ᑲᑭᐃᐧᐣᒋᑲᑌᑭᐣ ᐁᔑᓇᓄᓭᑭᐣ ᐃᐡᑯᓂᑲᓇᐣ ᒣᑲᐧᐨ ᒉᐣᐁᐧᕑᐃ ᐱᓯᑦ 17 ᒥᓇ 18 ᑲᑭᐊᔭᑭᓀ ᑭᐅᑫᐊᐧᐸᐣ ᐅᑎᐸᒋᒧᐠ, ᐁᑲᐧ ᐊᐧᐁᐧ ᑲᑭᓂᑲᓂᐡᑲᐠ ᑭᐅᑫᐃᐧᓂᐠ ᐊᓂᔑᓇᐯ ᐊᐢᑭ ᑭᒋᐅᑭᒪᑲᐣ ᐢᑕᐣ ᐯᕑᑎ ᐁᑲᐧ ᒥᓇ ᑭᒋ ᐅᑭᒪᑲᓂᔑᐡ ᓫᐁᐢ ᓫᐅᑎᐟ ᐊᐧᑲᐦᐃ ᐅᐣᑌᕑᐃᔪ ᑲᑭᐊᔭᑭᓀᐡᑲᐊᐧᐨ ᐁᐧᑎ ᓂᐱᓇᒥᐠ, ᐊᐸᒪᑐᐠ, ᒣᐡᑭᑲᐧᑲᒪᐠ, ᐊᓴᐸᓇᑲᐠ ᐁᑲᐧ ᒣᒣᑫᐧᔑᐃᐧᓴᑲᐃᑲᓂᐠ.
ᕑᐃᐯᑲ ᐟᕑᐁᐠ, ᐅᐡᑭᓂᑭᑫᐧ ᓂᔭᓄᐊᐧᐣ ᐅᑕᐊᐧᔑᔑᒪᐣ ᐊᐸᒪᑐᐠ ᐁᐅᒋᐨ ᐁᑲᐧ ᐃᔑᑲᐯᔑᐊᐧᐠ ᐅᓂᑭᐦᐃᑯᐠ ᐁᐃᐧᒋᑲᐯᔑᒪᐊᐧᐨ ᐃᒪ ᐊᐧᑲᐃᑲᓀᓯᐠ ᓂᔑᐣ ᐁᐊᔭᓂᐠ ᓂᐯᐃᐧᑲᒥᑯᐣ, ᑭᐃᑭᑐ ᐁᐃᐧᐃᔑᑯᓯᐨ ᑕᐣᑐᕑ ᐯ ᒥᓇᐊᐧ ᐱᓯᒧᐣ ᐁᐃᐧᓇᓇᑐᓂᑫᑕᒪᐊᐧᐨ ᐅᑕᐊᐧᔑᔑᒪᐣ ᒋᒥᓄᓭᓂᐨ ᐅᑌᓇᐠ.
“ᐣᐸᑯᓭᑕᐣ ᓇᐊᐧᐨ ᒋᒥᓄᓭᔭᐠ ᐊᐱᐨ ᐃᐧᐣ ᐅᒪ ᑲᐊᔭᔭᐠ,” ᑭᐃᑭᑐ. “ᓂᓇᑕᐁᐧᓂᒪᐠ ᒋᑭᔑᑐᐊᐧᐨ ᐅᑭᑭᓄᐊᒪᑯᐃᐧᓂᐊᐧ. ᒥᓇ ᒋᒥᓀᐧᐣᑕᒧᐊᐧᐨ.”
ᐊᔕ ᓂᓴᐧᓱᔭᑭ ᐅᑐᒋ ᐃᐧᒋᑲᐯᔑᒪᐣ ᐅᓂᑭᐦᐃᑯᐣ ᐟᕑᐁᐠ ᐁᑲᐧ ᒥᓇ ᐊᔑᐨ ᐅᑕᐊᐧᔑᔑᒪᐣ.
“ᑲᐃᐧᐣ ᐊᐊᐧᔑᒣ ᐅᒪ ᓂᐃᐧᐊᔭᓯᐣ,” ᑭᐃᑭᑐ. “ᓂᓂᑭᐃᑯᐠ ᐃᑯ ᐁᑕ ᐅᒪ ᑲᐅᒋ ᐊᐧᐃᐧᒋᐦᐃᔑᐊᐧᐨ. ᓂᓂᑯ ᓂᐯᔑᑯᐅᐱᑭᐦᐊᐠ ᐣᑕᐊᐧᔑᔑᒪᐠ, ᐁᑯᑲᐡᑭᑐᔭᐣ ᓂᑲᑫᐧᑐᑕᐣ.”
ᓇᐱᐨ ᐃᑯ ᐊᑲᓯᓂ ᐃᒪ ᑲᐃᔑᑲᐯᔑᐨ ᐃᓀᑕᑲᐧᓂ ᐊᐧᐁᐧ ᐟᕑᐁᐠ, ᔕᑯᐨ ᒪᐊᐧᐨ ᒥᔕᓂ ᑲᐃᔑᑕᐨ ᐊᐱᐨ ᐃᐧᐣ ᑯᑕᑭᔭᐠ ᑲᐃᔑᑲᐯᔑᐊᐧᐨ ᐁᑲ ᑲᐸᐸᑫᓴᑲᓂᐠ ᒥᓇ ᑲᒧᒋᓇᐸᑭᓴᑯᐊᐧᑭᐣ ᒥᔑᐣ ᐃᐡᑯᓂᑲᓇᐣ ᑲᐃᔑᑲᐯᔑᐊᐧᐨ.
“ᓂᓂᑯ ᓂᒧᒋᐯᔑᑯᑲᐯᐡ,” ᐃᑭᑐ ᒣᐡᑭᑲᐧᑲᒪᐠ ᐁᐅᒋᐨ ᑕᐧᒥ ᐢᐯᐟ. “ᑲᐃᐧᐣ ᓇᐣᑕ ᐣᑎᓀᑕᓯᐣ ᐅᒪ ᐁᑲᐯᔑᔭᐣ ᐊᐧᑲᐦᐃᑲᓂᔑᐠ. ᒥᐊᑯ ᐁᔑᓇᑲᐧᑭᐸᐣ ᐅᐁᐧ ᑲᑭᑕᔑ ᐅᐱᑭᐦᐊᑲᐧ ᐣᑕᐊᐧᔑᔑᒪᐠ ᐁᑲᐧ ᑫᓂᐣ ᐊᒥ ᑲᐃᔑᓇᑲᐧᐠ ᑲᐱᐅᐱᑭᔭᐣ.”
ᐊᐧᐁᐧ ᐊᓂᔑᓂᓂ ᐊᔕ ᐁᐧᐡᑲᐨ ᐅᐣᒋᐱᒥᐱᓱᑕᒪᑫ ᑭᑭᓄᐦᐊᒪᐊᐧᑲᓇᐠ ᑲᐃᔑᐱᒥᑕᐸᓂᑕᐧ ᐁᑲᐧ ᐃᒪ ᑭᐃᔑᐊᐣᒋᑯᓯᐸᐣ 12 ᒥᓇ 14 ᑕᓱᒥᓯᐟ ᐁᐊᐱᒐᓂᐠ ᐊᐧᑲᐃᑲᓂ ᓇᐊᐧᐨ ᒋᐅᒋ ᑌᐸᐡᑭᓀᓂᐨ ᐅᑕᐊᐧᔑᔑᒪᐣ ᒥᓇ ᐅᓯᓴᐣ, ᐃᒪ ᐃᐧᐣ ᐃᔑᑲᐯᔑᐊᐧᐣ ᐅᑫᑌᐊᐧᑲᐦᐃᑲᓂᐠ.
“ᐊᔕ 30 ᑕᓱᔭᑭ ᐣᑐᒋᐱᒥᐱᓱᑕᒪᑫ ᑭᑭᓄᐦᐊᒪᐊᐧᑲᓇᐠ ᑲᐱᒥᑕᐸᓇᑲᐧ,” ᐃᑭᑐ ᐢᐯᐟ.
ᑯᑕᑭᔭᐣ ᑭᒋᑫᑯᓇᐣ ᑲᑭᐊᐧᐸᑕᐦᐃᑕᐧ ᑲᑭᐸᐸᒥᔭᐊᐧᐨ ᐁᐧᑎ ᐊᓴᐸᓇᑲᐠ ᒪᐊᐧᐨ ᐃᑯ ᐁᓇᓂᓴᓂᓯᐊᐧᐨ ᐊᐃᐧᔭᐠ ᒋᔭᓄᒋ ᓴᑲᐱᓀᐊᐧᐨ.
ᐃᒪ ᑕᐡ ᐊᓴᐸᓇᑲᐠ ᒧᐊᐧᐳ ᑲᐃᓇᔑᑲᐃᐧᒋᑲᑌᐠ ᐅᑐᐸᓂᐠ ᐊᔕ ᐊᐊᐧᔑᒣ ᒥᑕᓱᔭᑭ ᐅᐣᒋ ᐱᒥ ᐱᒋᐳᐊᐧᑲᒥᒋᑫᒪᑲᐣ ᓴᑲᐦᐃᑲᓂᐠ ᒪᔭᑦ ᐃᒪ ᑕᔑᑫᐃᐧᓂᐠ ᓇᓯᐱᐠ, ᐁᑲᐧ ᐁᐧᑎ ᑫᐧᑲᑲᑦ ᐅᑐᐣᑕᐦᐃᐸᑕᓇᐊᐧ ᓂᐱᓂ ᑲᒥᓂᑲᐧᑕᒧᐊᐧᐨ.
“ᓇᐣᑕ ᐱᑯ ᓂᔭᓄᔭᑭ ᑲᑭᐃᐡᑲᐧ ᐅᔑᒋᑲᑌᑭᐸᐣ ᒣᑲᐧᐨ 1992 ᐊᐱᐣ ᑲᑭᔭᓂᔕᐳᐱᐠ,” ᐃᑭᑐ ᒥᒍ ᑎᔭᐳ, ᐁᑲᐧ ᐃᓇᓄᑭ ᐁᐅᐣᒋ ᑭᑭᓄᐡᑲᒪᑫᐨ ᒥᓇ ᐊᓱᐡᑲᒪᑫᐨ ᐊᐦᑭᐃᐧ ᐊᐸᒋᒋᑫᐃᐧ ᐅᓇᒋᑫᐃᐧᓂ ᐃᒪ ᑕᔑᑫᐃᐧᓂᐠ. “ᒥᑕᐡ ᐃᑯ ᑲᐯᐦᐃ ᐊᔕ ᐅᐁᐧ ᐁᐅᒋᐱᒥᐃᑭᐠ. ᐊᓂᔑᓂᓂᐊᐧᐠ ᑕᐡ ᐅᑕᓀᐣᑕᒥᐦᐃᑯᐊᐧ ᑭᐡᐱᐣ ᒥᓇᐧᑲᒥᓄᑫᐧᐣ ᒋᑭᒥᓂᑲᐧᑌᑫᐧᐣ ᓂᐱ ᐃᒪ ᑌᑎᐸᐦᐃ ᓴᑲᐦᐃᑲᓂᐠ.”
ᑎᔭᐳ ᐃᑭᑐ ᐃᒪ ᑕᔑᑫᐃᐧᓂᐠ ᑭᑲᑫᐧᑌᐧᐸᓂᐠ ᒋᑭᐱ ᓇᓇᑲᒋᑐᐊᐧᐸᐣ ᐅᓇᓇᑲᒋᒋᑫᐠ ᐁᐧᑎ ᐊᑐᐊᐧ ᑭᐡᐱᐣ ᑌᐯᐧ ᐃᐧᓇᑲᒥᒋᑫᒪᑲᓄᑫᐧᐣ ᒧᐊᐧᐳ ᑲᔕᐸᐧᔑᑲᐃᐧᐠ, ᐁᑲᐧ ᑕᐡ ᑲᐃᐧᐣ ᒋᑭᐅᒋ ᑌᐱᓇᐊᐧᐨ ᔓᓂᔭᐣ $50,000 ᑲᓇᑕᐁᐧᐣᑕᑯᓯᐨ ᒥᓂᑯᐠ ᓂᐢᑕᑦ ᑲᐃᓇᑭᑌᐠ ᒋᒪᑕᓄᑲᑌᐠ ᓇᓇᑲᒋᒋᑫᐃᐧᐣ.
“ᐅᑭᑫᐣᑕᓇᐊᐧ ᐁᑲ ᐃᒪ ᓴᑲᐦᐃᑲᓂᐠ ᒋᐅᐣᑎᓇᐊᐧᐨ ᑭᓄᔐᐣ,” ᑭᐃᑭᑐ.
ᐁᑲᐧ ᒥᓇ ᐃᒪ ᐊᓴᐸᓇᑲ ᐃᐡᑯᓄᑲᒥᑯᐠ ᐊᔕ ᒥᑐᓂ ᓄᓇᐡᑲᑭᓀᐊᐧᐠ ᑭᑭᓄᐦᐊᒪᐊᐧᑲᓇᐠ, ᒥᓇ ᓄᐣᑌᓭᐊᐧᐠ ᑭᑭᓄᐦᐊᒪᑫ ᐊᐸᒋᒋᑲᓇᐣ ᒥᓇ ᐸᐸᑯᓀᓴᑲᓂ ᐅᒣᑕᐁᐧᐃᐧᑲᒥᑯᐊᐧ.
ᑭᑭᓄᐦᐊᒪᑫᐃᐧᑭᒪ ᑭᐃᑭᑐ ᒪᐊᐧᐨ ᐃᑯ ᐅᐁᐧ ᑲᑭᑎᒪᑭᓇᑲᐠ ᑭᑭᓄᐦᐊᒪᑫᐃᐧᐣ ᐅᒪ ᑕᔑᑫᐃᐧᓂᐠ ᒥᐊᐱᐣ ᐃᒪ ᐅᐡᑲᑎᓴᐠ ᑲᔭᓄᒋ ᐳᓂᑐᐊᐧᐨ ᐅᑭᑭᓄᐦᐊᒪᑯᐃᐧᓂᐊᐧ.
“ᐊᑎᑲ ᒣᑲᐧᐨ ᑲᔭᓂ ᒪᐦᒋ ᑭᑭᓄᐦᐊᒪᑯᓯᐊᐧᐨ ᐊᐧᑌᐸᑲᐃᐧᐱᓯᑦ ᓂᒥᑕᓇ ᓂᑭᐊᔭᐊᐧᒥᐣ ᐅᑎᐡᑯᓂᐠ ᐃᒪ ᐯᔑᐠ ᑲᐃᔑ ᐅᑲᐧᐱᐦᐃᑕᐧ ᐁᑲᐧ ᑕᐡ ᑲᐃᐧᐣ ᒋᑭᐅᐣᒋ ᑌᐱᓭᑭᐣ ᐊᒋᑲᓇᑎᑯᐣ ᒥᓇ ᑌᓴᐳᐃᐧᓇᐣ, ᐃᒪ ᐁᑭᐃᔑ ᓇᓂᐱᑌᔭᑲᐧᐱᐊᐧᐨ ᐊᐧᑭᒋᑌᓴᑎᐠ,” ᐃᑭᑐ ᐁᓇᐣ ᐟᕑᐊᐳᕑ, ᑲᐃᐡᑯᓄᑭᒪᐃᐧᐨ ᐃᒪ ᐃᐡᑯᓄᑲᒥᑯᐠ. “ᐅᑎᐡᑯᓂᐠ ᑕᐡ ᐅᐊᐧᐸᑕᓇᐊᐧ ᒥᓇ ᐅᒥᑫᐧᐣᑕᓇᐊᐧ ᐅᐁᐧᓂ, ᒥᑕᐡ ᐊᐱᐣ ᑲᑭᔭᓄᒋ ᐳᓂᒋᑫᐊᐧᐨ ᐊᓂᐡ ᐁᐊᐧᐸᐣᑕᒧᐊᐧᐨ ᐁᑲ ᐁᐃᐧᒋᐦᐃᑯᐊᐧᐨ ᐅᑎᐡᑯᓄᑲᒥᑯᐊᐧ.”
ᐃᒪ ᐅᒋ ᐸᑭᑭᓂᑲᓂᐠ 1
ᑕᐧᑦᓴᐣ ᐁᑲᐧ ᒥᓇ ᒣᒣᑫᐧᔑᐃᐧᓴᑲᐃᑲᓂ ᐅᑭᒪᑲᓂᔑᐡ ᑲᑦᕑᐊᐣ ᕑᐁ ᐅᑕᓇᑭᐃᔑ ᐃᐧᐣᑕᓇᐊᐧᐸᐣ ᐱᓇᒪ ᒋᐱᓂᑲᓂ ᑭᑐᐊᐧᐨ ᐁᒪᐧᔦ ᐱᒪᒐᐊᐧᐨ ᐊᓂᐣ ᐁᔑᑭᔑᑲᓂᐠ.
ᐊᐧᐁᐧ ᑕᐡ ᑲᑦᐸᓂ ᑲᐸᑭᑎᓇᐠ ᐱᒥᓭᐃᐧᑲᒥᑯ ᐊᐸᒋᒋᑲᓇᐣ ᑲᐅᒋ ᐃᐧᐣᒋᑫᒪᑲᐠ ᑲᐱᐳᓂᒪᑲᑭᐣ ᐱᒥᓭᐃᐧᓇᐣ ᐊᔕ ᐅᑭᐱᐃᐧᐣᑕᐣ ᒋᐱᐸᑭᑎᓇᑭᐣ ᐃᒪ ᒣᒣᑫᐧᔑᐃᐧᓴᑲᐃᑲᓂᐠ ᒥᓇ ᑭᐁᐧᐃᐧᐣ ᐁᒪᐧᔦ ᓂᑭᑯᐱᓯᑦ 2012.
ᐁᑲᐧ ᒥᓇ ᐁᑲ ᑲᑭᑎᒪᑭᓇᑲᐧᑭᐣ ᐊᐧᑲᐃᑲᓇᐣ, ᐁᑲ ᑲᐧᔭᐠ ᑲᐃᔑᓇᑲᐧᑭᐣ ᒧᐊᐧᐳ ᑲᐃᓇᔑᑲᐃᐧᒋᑲᑌᑭᐣ ᒥᓇ ᑲᓄᑌᓭᐃᐧᓇᑲᐧᐠ ᑭᑭᓄᐦᐊᒪᑫᐃᐧᐣ ᒥᐅᓄ ᐊᑎᐟ ᑫᑯᓇᐣ ᑲᑭᐃᐧᐣᒋᑲᑌᑭᐣ ᐁᔑᓇᓄᓭᑭᐣ ᐃᐡᑯᓂᑲᓇᐣ ᒣᑲᐧᐨ ᒉᐣᐁᐧᕑᐃ ᐱᓯᑦ 17 ᒥᓇ 18 ᑲᑭᐊᔭᑭᓀ ᑭᐅᑫᐊᐧᐸᐣ ᐅᑎᐸᒋᒧᐠ, ᐁᑲᐧ ᐊᐧᐁᐧ ᑲᑭᓂᑲᓂᐡᑲᐠ ᑭᐅᑫᐃᐧᓂᐠ ᐊᓂᔑᓇᐯ ᐊᐢᑭ ᑭᒋᐅᑭᒪᑲᐣ ᐢᑕᐣ ᐯᕑᑎ ᐁᑲᐧ ᒥᓇ ᑭᒋ ᐅᑭᒪᑲᓂᔑᐡ ᓫᐁᐢ ᓫᐅᑎᐟ ᐊᐧᑲᐦᐃ ᐅᐣᑌᕑᐃᔪ ᑲᑭᐊᔭᑭᓀᐡᑲᐊᐧᐨ ᐁᐧᑎ ᓂᐱᓇᒥᐠ, ᐊᐸᒪᑐᐠ, ᒣᐡᑭᑲᐧᑲᒪᐠ, ᐊᓴᐸᓇᑲᐠ ᐁᑲᐧ ᒣᒣᑫᐧᔑᐃᐧᓴᑲᐃᑲᓂᐠ.
ᕑᐃᐯᑲ ᐟᕑᐁᐠ, ᐅᐡᑭᓂᑭᑫᐧ ᓂᔭᓄᐊᐧᐣ ᐅᑕᐊᐧᔑᔑᒪᐣ ᐊᐸᒪᑐᐠ ᐁᐅᒋᐨ ᐁᑲᐧ ᐃᔑᑲᐯᔑᐊᐧᐠ ᐅᓂᑭᐦᐃᑯᐠ ᐁᐃᐧᒋᑲᐯᔑᒪᐊᐧᐨ ᐃᒪ ᐊᐧᑲᐃᑲᓀᓯᐠ ᓂᔑᐣ ᐁᐊᔭᓂᐠ ᓂᐯᐃᐧᑲᒥᑯᐣ, ᑭᐃᑭᑐ ᐁᐃᐧᐃᔑᑯᓯᐨ ᑕᐣᑐᕑ ᐯ ᒥᓇᐊᐧ ᐱᓯᒧᐣ ᐁᐃᐧᓇᓇᑐᓂᑫᑕᒪᐊᐧᐨ ᐅᑕᐊᐧᔑᔑᒪᐣ ᒋᒥᓄᓭᓂᐨ ᐅᑌᓇᐠ.
“ᐣᐸᑯᓭᑕᐣ ᓇᐊᐧᐨ ᒋᒥᓄᓭᔭᐠ ᐊᐱᐨ ᐃᐧᐣ ᐅᒪ ᑲᐊᔭᔭᐠ,” ᑭᐃᑭᑐ. “ᓂᓇᑕᐁᐧᓂᒪᐠ ᒋᑭᔑᑐᐊᐧᐨ ᐅᑭᑭᓄᐊᒪᑯᐃᐧᓂᐊᐧ. ᒥᓇ ᒋᒥᓀᐧᐣᑕᒧᐊᐧᐨ.”
ᐊᔕ ᓂᓴᐧᓱᔭᑭ ᐅᑐᒋ ᐃᐧᒋᑲᐯᔑᒪᐣ ᐅᓂᑭᐦᐃᑯᐣ ᐟᕑᐁᐠ ᐁᑲᐧ ᒥᓇ ᐊᔑᐨ ᐅᑕᐊᐧᔑᔑᒪᐣ.
“ᑲᐃᐧᐣ ᐊᐊᐧᔑᒣ ᐅᒪ ᓂᐃᐧᐊᔭᓯᐣ,” ᑭᐃᑭᑐ. “ᓂᓂᑭᐃᑯᐠ ᐃᑯ ᐁᑕ ᐅᒪ ᑲᐅᒋ ᐊᐧᐃᐧᒋᐦᐃᔑᐊᐧᐨ. ᓂᓂᑯ ᓂᐯᔑᑯᐅᐱᑭᐦᐊᐠ ᐣᑕᐊᐧᔑᔑᒪᐠ, ᐁᑯᑲᐡᑭᑐᔭᐣ ᓂᑲᑫᐧᑐᑕᐣ.”
ᓇᐱᐨ ᐃᑯ ᐊᑲᓯᓂ ᐃᒪ ᑲᐃᔑᑲᐯᔑᐨ ᐃᓀᑕᑲᐧᓂ ᐊᐧᐁᐧ ᐟᕑᐁᐠ, ᔕᑯᐨ ᒪᐊᐧᐨ ᒥᔕᓂ ᑲᐃᔑᑕᐨ ᐊᐱᐨ ᐃᐧᐣ ᑯᑕᑭᔭᐠ ᑲᐃᔑᑲᐯᔑᐊᐧᐨ ᐁᑲ ᑲᐸᐸᑫᓴᑲᓂᐠ ᒥᓇ ᑲᒧᒋᓇᐸᑭᓴᑯᐊᐧᑭᐣ ᒥᔑᐣ ᐃᐡᑯᓂᑲᓇᐣ ᑲᐃᔑᑲᐯᔑᐊᐧᐨ.
“ᓂᓂᑯ ᓂᒧᒋᐯᔑᑯᑲᐯᐡ,” ᐃᑭᑐ ᒣᐡᑭᑲᐧᑲᒪᐠ ᐁᐅᒋᐨ ᑕᐧᒥ ᐢᐯᐟ. “ᑲᐃᐧᐣ ᓇᐣᑕ ᐣᑎᓀᑕᓯᐣ ᐅᒪ ᐁᑲᐯᔑᔭᐣ ᐊᐧᑲᐦᐃᑲᓂᔑᐠ. ᒥᐊᑯ ᐁᔑᓇᑲᐧᑭᐸᐣ ᐅᐁᐧ ᑲᑭᑕᔑ ᐅᐱᑭᐦᐊᑲᐧ ᐣᑕᐊᐧᔑᔑᒪᐠ ᐁᑲᐧ ᑫᓂᐣ ᐊᒥ ᑲᐃᔑᓇᑲᐧᐠ ᑲᐱᐅᐱᑭᔭᐣ.”
ᐊᐧᐁᐧ ᐊᓂᔑᓂᓂ ᐊᔕ ᐁᐧᐡᑲᐨ ᐅᐣᒋᐱᒥᐱᓱᑕᒪᑫ ᑭᑭᓄᐦᐊᒪᐊᐧᑲᓇᐠ ᑲᐃᔑᐱᒥᑕᐸᓂᑕᐧ ᐁᑲᐧ ᐃᒪ ᑭᐃᔑᐊᐣᒋᑯᓯᐸᐣ 12 ᒥᓇ 14 ᑕᓱᒥᓯᐟ ᐁᐊᐱᒐᓂᐠ ᐊᐧᑲᐃᑲᓂ ᓇᐊᐧᐨ ᒋᐅᒋ ᑌᐸᐡᑭᓀᓂᐨ ᐅᑕᐊᐧᔑᔑᒪᐣ ᒥᓇ ᐅᓯᓴᐣ, ᐃᒪ ᐃᐧᐣ ᐃᔑᑲᐯᔑᐊᐧᐣ ᐅᑫᑌᐊᐧᑲᐦᐃᑲᓂᐠ.
“ᐊᔕ 30 ᑕᓱᔭᑭ ᐣᑐᒋᐱᒥᐱᓱᑕᒪᑫ ᑭᑭᓄᐦᐊᒪᐊᐧᑲᓇᐠ ᑲᐱᒥᑕᐸᓇᑲᐧ,” ᐃᑭᑐ ᐢᐯᐟ.
ᑯᑕᑭᔭᐣ ᑭᒋᑫᑯᓇᐣ ᑲᑭᐊᐧᐸᑕᐦᐃᑕᐧ ᑲᑭᐸᐸᒥᔭᐊᐧᐨ ᐁᐧᑎ ᐊᓴᐸᓇᑲᐠ ᒪᐊᐧᐨ ᐃᑯ ᐁᓇᓂᓴᓂᓯᐊᐧᐨ ᐊᐃᐧᔭᐠ ᒋᔭᓄᒋ ᓴᑲᐱᓀᐊᐧᐨ.
ᐃᒪ ᑕᐡ ᐊᓴᐸᓇᑲᐠ ᒧᐊᐧᐳ ᑲᐃᓇᔑᑲᐃᐧᒋᑲᑌᐠ ᐅᑐᐸᓂᐠ ᐊᔕ ᐊᐊᐧᔑᒣ ᒥᑕᓱᔭᑭ ᐅᐣᒋ ᐱᒥ ᐱᒋᐳᐊᐧᑲᒥᒋᑫᒪᑲᐣ ᓴᑲᐦᐃᑲᓂᐠ ᒪᔭᑦ ᐃᒪ ᑕᔑᑫᐃᐧᓂᐠ ᓇᓯᐱᐠ, ᐁᑲᐧ ᐁᐧᑎ ᑫᐧᑲᑲᑦ ᐅᑐᐣᑕᐦᐃᐸᑕᓇᐊᐧ ᓂᐱᓂ ᑲᒥᓂᑲᐧᑕᒧᐊᐧᐨ.
“ᓇᐣᑕ ᐱᑯ ᓂᔭᓄᔭᑭ ᑲᑭᐃᐡᑲᐧ ᐅᔑᒋᑲᑌᑭᐸᐣ ᒣᑲᐧᐨ 1992 ᐊᐱᐣ ᑲᑭᔭᓂᔕᐳᐱᐠ,” ᐃᑭᑐ ᒥᒍ ᑎᔭᐳ, ᐁᑲᐧ ᐃᓇᓄᑭ ᐁᐅᐣᒋ ᑭᑭᓄᐡᑲᒪᑫᐨ ᒥᓇ ᐊᓱᐡᑲᒪᑫᐨ ᐊᐦᑭᐃᐧ ᐊᐸᒋᒋᑫᐃᐧ ᐅᓇᒋᑫᐃᐧᓂ ᐃᒪ ᑕᔑᑫᐃᐧᓂᐠ. “ᒥᑕᐡ ᐃᑯ ᑲᐯᐦᐃ ᐊᔕ ᐅᐁᐧ ᐁᐅᒋᐱᒥᐃᑭᐠ. ᐊᓂᔑᓂᓂᐊᐧᐠ ᑕᐡ ᐅᑕᓀᐣᑕᒥᐦᐃᑯᐊᐧ ᑭᐡᐱᐣ ᒥᓇᐧᑲᒥᓄᑫᐧᐣ ᒋᑭᒥᓂᑲᐧᑌᑫᐧᐣ ᓂᐱ ᐃᒪ ᑌᑎᐸᐦᐃ ᓴᑲᐦᐃᑲᓂᐠ.”
ᑎᔭᐳ ᐃᑭᑐ ᐃᒪ ᑕᔑᑫᐃᐧᓂᐠ ᑭᑲᑫᐧᑌᐧᐸᓂᐠ ᒋᑭᐱ ᓇᓇᑲᒋᑐᐊᐧᐸᐣ ᐅᓇᓇᑲᒋᒋᑫᐠ ᐁᐧᑎ ᐊᑐᐊᐧ ᑭᐡᐱᐣ ᑌᐯᐧ ᐃᐧᓇᑲᒥᒋᑫᒪᑲᓄᑫᐧᐣ ᒧᐊᐧᐳ ᑲᔕᐸᐧᔑᑲᐃᐧᐠ, ᐁᑲᐧ ᑕᐡ ᑲᐃᐧᐣ ᒋᑭᐅᒋ ᑌᐱᓇᐊᐧᐨ ᔓᓂᔭᐣ $50,000 ᑲᓇᑕᐁᐧᐣᑕᑯᓯᐨ ᒥᓂᑯᐠ ᓂᐢᑕᑦ ᑲᐃᓇᑭᑌᐠ ᒋᒪᑕᓄᑲᑌᐠ ᓇᓇᑲᒋᒋᑫᐃᐧᐣ.
“ᐅᑭᑫᐣᑕᓇᐊᐧ ᐁᑲ ᐃᒪ ᓴᑲᐦᐃᑲᓂᐠ ᒋᐅᐣᑎᓇᐊᐧᐨ ᑭᓄᔐᐣ,” ᑭᐃᑭᑐ.
ᐁᑲᐧ ᒥᓇ ᐃᒪ ᐊᓴᐸᓇᑲ ᐃᐡᑯᓄᑲᒥᑯᐠ ᐊᔕ ᒥᑐᓂ ᓄᓇᐡᑲᑭᓀᐊᐧᐠ ᑭᑭᓄᐦᐊᒪᐊᐧᑲᓇᐠ, ᒥᓇ ᓄᐣᑌᓭᐊᐧᐠ ᑭᑭᓄᐦᐊᒪᑫ ᐊᐸᒋᒋᑲᓇᐣ ᒥᓇ ᐸᐸᑯᓀᓴᑲᓂ ᐅᒣᑕᐁᐧᐃᐧᑲᒥᑯᐊᐧ.
ᑭᑭᓄᐦᐊᒪᑫᐃᐧᑭᒪ ᑭᐃᑭᑐ ᒪᐊᐧᐨ ᐃᑯ ᐅᐁᐧ ᑲᑭᑎᒪᑭᓇᑲᐠ ᑭᑭᓄᐦᐊᒪᑫᐃᐧᐣ ᐅᒪ ᑕᔑᑫᐃᐧᓂᐠ ᒥᐊᐱᐣ ᐃᒪ ᐅᐡᑲᑎᓴᐠ ᑲᔭᓄᒋ ᐳᓂᑐᐊᐧᐨ ᐅᑭᑭᓄᐦᐊᒪᑯᐃᐧᓂᐊᐧ.
“ᐊᑎᑲ ᒣᑲᐧᐨ ᑲᔭᓂ ᒪᐦᒋ ᑭᑭᓄᐦᐊᒪᑯᓯᐊᐧᐨ ᐊᐧᑌᐸᑲᐃᐧᐱᓯᑦ ᓂᒥᑕᓇ ᓂᑭᐊᔭᐊᐧᒥᐣ ᐅᑎᐡᑯᓂᐠ ᐃᒪ ᐯᔑᐠ ᑲᐃᔑ ᐅᑲᐧᐱᐦᐃᑕᐧ ᐁᑲᐧ ᑕᐡ ᑲᐃᐧᐣ ᒋᑭᐅᐣᒋ ᑌᐱᓭᑭᐣ ᐊᒋᑲᓇᑎᑯᐣ ᒥᓇ ᑌᓴᐳᐃᐧᓇᐣ, ᐃᒪ ᐁᑭᐃᔑ ᓇᓂᐱᑌᔭᑲᐧᐱᐊᐧᐨ ᐊᐧᑭᒋᑌᓴᑎᐠ,” ᐃᑭᑐ ᐁᓇᐣ ᐟᕑᐊᐳᕑ, ᑲᐃᐡᑯᓄᑭᒪᐃᐧᐨ ᐃᒪ ᐃᐡᑯᓄᑲᒥᑯᐠ. “ᐅᑎᐡᑯᓂᐠ ᑕᐡ ᐅᐊᐧᐸᑕᓇᐊᐧ ᒥᓇ ᐅᒥᑫᐧᐣᑕᓇᐊᐧ ᐅᐁᐧᓂ, ᒥᑕᐡ ᐊᐱᐣ ᑲᑭᔭᓄᒋ ᐳᓂᒋᑫᐊᐧᐨ ᐊᓂᐡ ᐁᐊᐧᐸᐣᑕᒧᐊᐧᐨ ᐁᑲ ᐁᐃᐧᒋᐦᐃᑯᐊᐧᐨ ᐅᑎᐡᑯᓄᑲᒥᑯᐊᐧ.”

See also

12/01/2015 - 19:37
12/01/2015 - 19:37
12/01/2015 - 19:37
12/01/2015 - 19:37