ᐊᐧᒐᐡᑯᓂᒥᐠ ᐃᐧᒋᐦᐃᐁᐧᐃᑲᒥᐠ ᑭ ᑭᑭᓇᐊᐧᒋᒋᑲᑌ ᑲᐧᔭᐠ ᐅᐃᐧᒋᐦᐃᐁᐧᐃᐧᓂᐊᐧ

Create: 12/01/2015 - 19:22
Author: 
Wawatay Staff

ᒥᓯᐁᐧᑲᒥᐠ ᐱᒧᒋᑫᐃᐧᐣ ᑲᑭᑭᓇᐊᐧᒋᑐᐊᐧᐨ ᑲᓂᓯᑕᐃᐧᓂᑲᑌᑭᐣ ᐃᐧᒋᐦᐃᐁᐧᐃᐧ ᐊᓄᑭᑕᒪᑫᐃᐧᓇᐣ ᐅᑭ ᑭᑭᓇᐊᐧᒋᑐᓇᐊᐧ ᐊᐧᒐᐡᑯᓂᒥᐠ ᐃᐧᒋᐦᐃᐁᐧᐃᐧᑲᒥᑯᓂ.
ᑲᓀᑎᔭᐣ ᐊᓄᑭᑕᒪᑫᐃᐧᑲᒥᑯᐣ ᑲᑭᑭᓇᐊᐧᒋᑐᐊᐧᐨ ᐅᑕᐱᑕᒪᑫᐠ ᐅᑭ ᑭᑭᓇᐊᐧᒋᑐᓇᐊᐧ ᐊᔭᒥᐦᐁᐃᐧᑭᒪ ᑕᐧᒥ ᐯᕑᑎ ᐅᒥᑯᐣᑕᑯᐃᐧᐣ ᐃᐧᒋᐦᐃᐁᐧᐃᐧᑲᒥᑯᓂ.
ᕑᐊᔾ ᑕᐣᑐᕑ, ᑲᐅᑭᒪᐃᐧᐨ ᐃᒪ ᐃᐧᒋᐦᐃᐁᐧᐃᐧᑲᒥᑯᐠ, ᑲᑭᒥᓂᑕᐧ ᑭᑭᓇᐊᐧᒋᐦᐃᑯᐃᐧᐣ ᐊᐊᐧᔑᒣ ᑕᐅᐣᒋ ᐃᐧᒋᐦᐃᐁᐧᓭᓂ ᑲᐃᔑᐱᒧᑐᐊᐧᐨ ᐅᑎᓇᓄᑭᐃᐧᓂᐊᐧ ᐃᒪ ᐃᐧᒋᐦᐃᐁᐧᐃᐧᑲᒥᑯᐠ.
“ᐅᐁᐧ ᑲᑭᐃᔑ ᐊᐧᐸᑕᐦᐃᑯᔭᐠ ᑭᑎᔑᐸᑭᑎᓂᑯᒥᐣ ᐊᐊᐧᔑᒣ ᑫᐃᔑᐃᐧᒋᐦᐃᑯᐊᐧᐨ ᑲᐊᓄᑲᓂᑕᐧ ᐅᒪ ᑲᐱᐃᐧᒋᐦᐃᑕᐧ ᐁᑲᐧ ᒥᓇ ᑕᐅᐣᒋ ᐃᐧᒋᐦᐃᐁᐧᒪᑲᐣ ᓂᑕᓄᑭᑕᒪᑫᐃᐧᓂᓇᐣ ᑲᐃᔑᐱᒥᐃᐧᒋᐦᐃᐁᐧᔭᐠ,” ᐃᑭᑐ.
1991 ᑲᐊᐦᑭᐊᐧᐠ ᑭᐱᐅᐣᒋᐊᓄᑲᑌ ᐅᐁᐧ ᐊᓱᐡᑲᑫᐃᐧᓂᐠ ᒥᓇ ᑭᑭᓄᐡᑲᒪᑫᐃᐧᓂᐠ ᐃᓀᑫ ᐁᔑᐱᒥᐃᐧᒋᐦᐃᑕᐧ ᑲᑲᐧᒋᓭᐦᐃᑯᐊᐧᐨ ᑫᑯᓇᐣ ᐊᔑᐨ ᐅᐊᐧᑯᒪᑲᓂᐊᐧ ᒋᑭᐅᐣᒋ ᓂᓯᑐᑕᒧᐊᐧᐨ ᒥᓇ ᑫᑐᑕᒧᐊᐧᐨ ᒋᔭᓂᔕᐳᐃᐧᓂᑎᓱᐊᐧᐨ ᑲᑭᑲᐧᒋᓭᐦᐃᑯᐊᐧᐨ ᒋᑭᐊᓂ ᒪᐡᑲᐃᐧᑲᐸᐃᐧᐊᐧᐨ ᐅᑕᒐᑯᐱᒪᑎᓯᐃᐧᓂᐊᐧᐠ, ᒋᓂᓯᑕᐁᐧᐣᑕᒧᐊᐧᐨ ᐅᑕᓂᔑᓂᓂᐊᐧᑎᓯᐃᐧᓂᐊᐧ ᒥᓇ ᐅᑌᐯᐧᑕᒧᐃᐧᓂᐊᐧ ᒥᓇ ᑫᓄᒋᑫᐧᑭᓭᑐᐊᐧᐨ ᐅᑎᓀᐣᑕᒧᐃᐧᓂᐊᐧ ᒥᓇ ᑲᐡᑭᐦᐅᐃᐧᓇᐣ ᑫᐱᒥᐃᐧᒋᐦᐃᑯᐊᐧᐨ ᑲᓂᑫᐧᑭᓭᐊᐧᐨ ᐅᑕᔑᑫᐃᐧᓂᐊᐧᐠ.

Featured In Slider: 
no