view counter

Syllabics

ᑲᑭ ᒪᓯᓇᑭᓯᑲᓂᐊᐧᐠ ᐯᐸᑲᓐ ᐊᐃᐧᔭᐠ ᑭᐃᔑᔥᑲᑯᐊᐧᐠ

ᒥᐢᑕᐦᐃ ᑭᐊᔭᒪᑲᐣ ᑲᑭ ᐃᓀᐣᑕᒧᐦᐃᐁᐧᒪᑲᐠ ᐃᐁᐧ CBC ᑲᑭ ᒪᓯᓇᑌᔑᒪᐸᐣ ᑌᓇᐢ ᐱᓫᐊᐣᐠᓫᐃᐣ ᐅᑎᐢᑯᓂᐣ ᐃᒪ ᑕᐣᑐᕑ ᐯ ᐁᑲᐧ ᑕᔥ ᐁᑭ ᓇᓇᐣᑕᐃᐧ ᑭᑫᐣᑕᒧᐊᐧᐨ ᑫᑯᓀᓂ ᑲᑭ ᐅᐣᒋ̇ᐢᑲᐧᐱᒪᑎᓯᐸᐣ ᑲᑭ ᐃᐧᒋᐢᑯᓄᒪᐊᐧᐨ ᒐᐧᕑᑎᐣ ᐊᐧᐸᐢ.

Anishinaabewipimaatisiwin kiiwaapanchikate kaakimaawachi-itink

Animikiiwimaawachi-itiwin kaakimaawachi-itiwach niiyokon kakinakekoon kiiminose Oct. 13-16 mi-oma Thunder Bay.

ᐊᔕ ᒥᓇᐊᐧ ᐅᓇᑭᐡᑲᓇᐊᐧ ᐅᑕᓇᐠ ᑲᑭᐱᐃᓯᓭᐊᐧᐨ

ᐊᔕ ᒥᓇᐊᐧ ᐅᐱᑲᑫᐧ ᒪᐃᐧᓀᐡᑲᑯᐊᐧᐣ ᑯᑕᑭᔭᐣ ᐸᑲᐣ ᐅᓇᓇᑕᐊᐧᓯᓂᐁᐧᐣ ᐃᒪ ᑭᒋᓇᒣᑯᓯᐱᐠ ᐊᐦᑭᐠ. ᐅᑯᐁᐧᓂᐊᐧᐠ ᒪᐣᑐ ᓴᑲᐦᐃᑲᐣ ᐅᓇᓇᑕᐊᐧᓯᓂᐁᐧᐠ ᑲᐃᓂᑕᐧ ᑭᐃᑭᑐᐊᐧᐠ ᐁᑲ ᒋᐅᒋᓇᑲᐡᑲᑯᐊᐧᐨ ᑲᑭᐱᒪᓯᓇᐦᐊᒪᑯᐊᐧᐨ ᑭᒋᓇᒣᑯᓯᐱᐃᐧᓂᓂᐊᐧᐠ ᔐᒪᐠ ᒋᓂᑲᑌᐡᑲᐊᐧᐨ ᐃᒪ ᑲᑭᐱᔑᑕᑯᔑᓄᐊᐧᐨ, ᐁᑲᐧ ᑫᐃᐧᓇᐊᐧ ᑭᒋᓇᒣᑯᓯᐱᐃᐧ ᓂᑲᓂᑕᒪᑫᐠ ᑭᐃᑭᑐᐊᐧᐠ ᐁᑲ ᒋᐅᐣᒋᐳᓂᒋᑫᐊᐧᐨ.

ᐊᐧᐱᑭᑲ ᑭᒥᓇᐊᐧᐠ ᐱᒪᑯᐁᐧᐸᐦᐃᑫᐃᐧ ᐊᐸᒋᒋᑲᓇᐣ

ᔑᑲᑯ ᑊᓫᐊᐠᐦᐊᐠᐢ ᑲᐃᔑᐱᒪᑯᐁᐧᐸᐦᐃᑫᐨ ᐢᑎᑊ ᒪᐧᐣᑕᑕᐧᕑ ᓄᑯᒥᑫ ᑭᑭᐅᑫᐸᐣ ᐊᐧᐱᑭᑲᐠ ᐁᑭᐊᐣᑕᐃᐧ ᑎᐸᒋᒧᐨ ᐁᐃᐧᐸᑭᑎᓂᐨ ᓂᔭᓄᒥᑕᓇ ᐅᐡᑭ ᐱᒪᑯᐁᐧᐸᐦᐃᑫᐃᐧ ᐊᐸᒋᒋᑲᓇᐣ ᑫᐊᐸᒋᑐᐊᐧᐨ ᐃᒪ ᐃᐡᑯᓂᑲᓂᐠ ᐅᐡᑲᑎᓴᐠ ᑲᑲᐯᔑᐊᐧᐨ.

ᐁᐱᒥᑲᓇᐁᐧᐣᑕᐠ ᐅᑕᔑᑫᐃᐧᐣ

ᓀᑲᐃᐧᓴᑲᐃᑲᓂᐠ ᐅᑭᒪᑲᐣ ᐊᑕᑦ ᐱᐟᓫᐊᕑ ᒪᐊᐧᐨ ᐃᑯ ᐅᑭ ᑭᒋᓇᓇᑯᒪᐣ 20 ᐅᑕᓂᔑᓂᓂᒪᐣ ᑲᑭᐃᐧᒋᐦᐃᑯᐨ ᐁᑲ ᑫᐃᐧᓇᐊᐧ ᑲᑭᐅᐣᒋᓇᑲᑕᒧᐊᐧᐨ ᐅᑕᔑᑫᐃᐧᓂᐊᐧ ᐊᐱᐣ ᑯᑕᑭᔭᐠ ᐊᓂᔑᓂᓂᐊᐧᐠ ᑲᐃᐡᑲᐧ ᒐᑭᒪᒪᒋᐃᐧᓂᑕᐧ ᐁᐧᓴ ᐁᔭᓂᑲᐡᑲᐸᓱᐊᐧᐨ ᐯᔓᐨ ᑲᐱᓴᑭᑌᓂᐠ.

ᑲᐸᐸᒥᓯᑲᐣᑕᒧᐊᐧᐨ ᐃᐧᑲᐧᓯᑲᒪᐣᐠ ᑲᐊᔭᐠ ᐱᐊᐧᐱᑯᑲᐣ ᑭᒪᐊᐧᒋᐦᐃᑐᐊᐧᐠ

ᐃᐧᑲᓯᑲᒪᐣᐠ ᑲᐊᔭᐠ ᐱᐊᐧᐱᑯᑲᐣ ᐃᓇᒧᒋᑫᐃᐧᐣ ᒥᐦᐅᐁᐧ ᒪᔭᑦ ᑲᑭᐊᓂᒧᑕᒪᑎᓇᓄᐊᐧᐠ ᒣᑲᐧᐨ ᑲᑭᒪᐊᐧᒋᐦᐃᑎᓇᓄᐊᐧᐠ ᓴᑭᐸᑲᐃᐧᐱᓯᑦ 22-23 ᑕᐣᑐᕑ ᐯ ᐅᑌᓇᐠ.

ᐱᒥᐊᓄᑲᑌ ᓇᑕᐃᐧᐦᐃᐁᐧᐃᐧᐣ ᒋᔭᓄᒥᓄᔭᐨ ᐊᓂᔑᓇᐯ

ᑲᑭᔕᐳᐡᑲᒧᐊᐧᐨ ᐁᐧᐡᑲᐨ ᑲᑭᐱᑲᓇᐁᐧᐣᑕᑯᓯᐊᐧᐨ ᑭᑭᓄᐦᐊᒪᑎᐃᐧᑲᒥᑯᐠ ᐊᓂᔑᓂᓂᐃᐧ ᐊᐊᐧᔑᔕᐠ ᑭᑕᐃᐧᓇᒪᐊᐧᐊᐧᐠ ᒋᐃᐧᐣᑕᒧᐊᐧᐨ ᐅᑎᐸᒋᒧᐃᐧᓂᐊᐧ ᒣᑲᐧᐨ

ᐊᒥ ᐁᑲᐧ ᒋᐊᓂᔑ ᑲᑫᐧ ᓴᑲᑫᐣᑕᒧᐊᐧᐨ ᐊᐧᑯᒪᑲᓇᐠ

ᒐᐧᕑᑎᐣ ᐊᐧᐸᐢ ᑲᑭᐅᐣᒋᐨ ᐅᑕᔑᑫᐃᐧᓂᐠ ᐁᐧᐱᑫᐧᐠ ᑭᐃᔑᓇᐦᐃᓇᑲᓂᐃᐧ ᒣᑲᐧᐨ ᒪᑯᐱᓯᑦ 16 ᑲᐃᓇᑭᓱᓂᐨ.

ᐅᐡᑲᑎᓴᐠ ᐅᑲᐅᓀᐣᑕᓇᐊᐧ ᐊᓂᐣ ᑫᐃᔑᓇᑲᐧᓂᐠ ᓂᑲᐣ ᑫᔭᓂᐱᒪᑎᓯᐊᐧᐨ

ᑲᑭᓇ ᐃᒪ ᑲᑭᐃᐧᒋᑕᐧᐊᐧᐨ ᐅᑕᔭᓇᐊᐧ ᐅᑎᓯᓭᐃᐧᓂᐊᐧ ᐅᐱᒪᑎᓯᐃᐧᓂᐊᐧᐠ ᑫᑭᐃᐧᐣᑕᒪᑫᐊᐧᐸᐣ.

ᑭᐱᑯᓭ ᓂᐱᐃᐧᑲᒥᐠ ᐱᑲᐣᒋᑲᒥᐣᐠ, ᑭᒋ ᒪᒋᓭᐃᐧᐣ ᑭᐃᓇᐣᑭᒋᑲᑌ ᐃᐁᐧ ᑲᑭ ᐃᓯᓭᐠ

ᐊᐊᐧᔑᒣ ᐯᔑᑯᐱᒧᑯᓇᑲ ᐁᑲ ᐁᑭ ᐅᐣᒋ ᐊᓄᑭᒪᑲᐠ ᓂᐱᐃᐧᑲᒥᐠ ᒣᑲᐧᐨ ᐁᑭ ᐅᐣᑕᒥ ᐊᐧᐁᐧᔑᒋᑲᑌᐠ, ᐱᑲᐣᒋᑲᒥᐣᐠ ᓂᐱᐃᐧᑲᒥᐠ ᑭᑭᐁᐧ ᒪᑕᓄᑭᒪᑲᐣ ᓂᑭᐱᓯᑦ 22 ᑲᐃᓇᐣᑭᓯᐨ.

ᑭᓇᓇᑯᒧᓇᓂᐊᐧᐣ ᐃᐧᓂᔭᑦ ᐁᐧᐣᑕᕑ ᐊᓂᑭᐃᐧᓇᐣ ᑲᑭᑐᑕᑭᐣ ᒣᑲᐧᐨ ᑲᑭ ᐱᒪᑎᓯᐨ

ᐃᐧᓂᔭᑦ ᐁᐧᐣᑕᕑ ᑲᑭ ᐃᓇᑲᓄᐨ ᒥᑐᓂ ᑲᐧᔭᐠ ᐅᑭᐱᒥᐃᐧᑐᐣ ᐅᑕᒐᐦᑯᐊᓄᑭᐃᐧᐣ ᒥᓇ ᑲᔦ ᐁᑭ ᐱᒥᓂᔕᐦᐊᐣᑭᐣ ᑲᑭ ᐃᔑ ᑭᑭᓄᐦᐊᒪᑫᐨ.

ᑭᐡᐱᐣ ᐊᔭᑭᐸᐣ ᑎᐱᓇᐁᐧ ᐱᒧᓂᑎᓱᐃᐧᐣ ᑕᑲᐡᑭᒋᑲᑌ ᒋᑭᐱᑎᓂᑲᑌᐠ ᑲᐧᐣᑕ ᑲᐃᓇᐸᒋᒋᑲᑌᐠ ᒪᐡᑭᑭ

ᐅᐣᑌᕑᐃᔪ ᒥᓇ ᑲᓇᑕ ᐅᑭᒪᐅᐣ ᐅᓇᔓᐁᐧᐃᐧᓇᐣ ᐅᐃᐧᒋᑐᓇᐊᐧ ᒋᐱᐣᑎᑲᒋᑲᑌᑭᐣ ᒪᐡᑭᑭᐣ ᑲᐧᐣᑕ ᑲᐃᓇᐸᒋᒋᑲᑌᑭᐣ ᑭᑎᐡᑯᓂᑲᓂᓇᐣ, ᑭᐃᑭᑐ ᐁᐧᐱᑫᐧ ᑲᐊᐧᓂᐊᐸᒋᒋᑲᑌᐠ ᒪᐡᑭᑭᐣ ᑭᐱᑎᓂᑫᐃᐧᐣ ᑲᓂᑲᓂᐊᓄᑲᑕᐠ ᓫᐃᐸᔾ ᓱᐱᔭ.

ᑭᒋ ᐱᐣᒋᐁᐧᐱᓂᑫᐃᐧᐣ ᑕᐅᓀᐣᑕᑲᐧᐣ ᓄᑯᑦ ᑫᓂᐱᐠ

ᑭᔓᓀᐣᑕᒪᐃᐧᐣ ᐃᐁᐧ 2012 ᑭᒋ ᐱᐣᒋᐁᐧᐱᓂᑫᐃᐧᐣ ᐃᐁᐧ ᐊᓂᔑᓇᐯ ᐊᐢᑭ ᑭᒋ ᐅᑭᒪᑲᐣ ᒥᓇ ᑲᔦ ᓂᐦᓯᐣ ᑭᒋ ᐅᑭᒪᑲᓀᓴᐠ ᑲᐃᐧ ᐱᐣᒋᐁᐧᐱᓇᒪᐃᐧᐣᑕᐧ ᐊᒥᐦᐃ ᐁᐃᔑ ᐅᓇᐦᑌᐠ ᐃᒪ ᑭᐁᐧᐃᐧᐣ ᑭᒋ ᒪᐊᐧᒋᐦᐃᑎᐃᐧᓂᐠ ᒋᑕᔑᑐᒋᑲᑌᐠ ᓄᑯᑦ ᑲᐊᐦᑭᐊᐧᐠ.

ᓂᓴᐧᓯ ᑲᓇᒋ ᑭᑭᓄᐦᐊᒪᑫᐧᐃᓇᐣ ᒪᐧᐊᐨ ᑭᒥᓄᓭ

ᔕᓇᐣ ᑯᐢᑕᒋᐣ ᑲᑭ ᒪᐃᐧᓀᐢᑲᐣᑭᐸᐣ ᓇᐧᐊᐨ ᒋᑭ ᒥᓇᐧᔑᓂᑭᐸᐣ ᐅᑎᐢᑯᓄᐃᐧᑲᒥᐠ ᐃᒪ ᐅᑕᔑᑫᐃᐧᓂᐠ ᐊᒥᐦᐃᐁᐧ ᒪᐊᐧᐨ ᑲᑭ ᑭᒋ ᐊᓂᒧᒋᑲᑌᐠ ᐃᒪ ᑲᑭ ᒪᐊᐧᒋᐦᐃᑎᓇᓂᐊᐧᑭᐸᐣ ᓂᓴᐧᓯ ᑲᓇᒋ ᑭᑭᓄᐦᐊᒪᑫᐃᐧᓇᐣ ᑲᐃᔑᓂᑲᑌᐠ ᒪᐊᐧᒋᐦᐃᑎᐃᐧᐣ.