view counter

Syllabics

ᑭᐡᑭᓇᒪᐊᐧᐊᐧᐠ ᔓᓂᔭ ᐅᐣᑌᕑᐃᔪ ᐅᑭᒪᑲᓇᐠ ᒥᓇ ᐅᑭᒪᑲᓇᐠ ᑲᐱᑭᓯ ᒪᒪᐊᐧᓄᑭᐊᐧᐨ

ᒥᔑᐣ ᐅᐣᑌᕑᐃᔪ ᐅᑭᒪᑲᓇᐠ ᑲᐱᑭᓯ ᒪᒪᐊᐧᓄᑭ ᐱᒧᒋᑫᐊᐧᐨ ᒥᓇ ᑯᑕᑭᔭᐠ ᑲᐅᒋᒥᓯᐁᐧ ᑲᓇᐊᐧᐸᒋᑫᑕᒪᑫᐊᐧᐨ ᐅᑭᒪᑲᓇᐠ ᑕᑭᐡᑭᓇᒪᐊᐧᑲᓄᐊᐧᐠ ᔓᓂᔭᐣ ᑲᐱᒥ ᐸᑭᑎᓇᒪᐃᐧᑕᐧ ᐊᑯᓇᐠ 64 ᐳᕑᓭᐣᐟ ᑲᐃᔑᐱᒥ ᒪᒪᐃᐧ ᒥᓂᑕᐧ ᑕᓱᔭᑭ.

ᐅᒪᐡᑭᑯᒧᐃᐧ ᒪᓯᓇᐦᐃᑲᐣ ᑭᐅᔑᒋᑲᑌ

ᒣᑲᐧᐨ ᒥᑭᓯᐃᐧᐱᓯᑦ 31 ᐁᐧᑎ ᒧᐢ ᐸᐠᑐᕑᐃ ᑭᐸᑭᑎᓂᑲᑌ ᐁᑭᑭᔑᒋᑲᑌ ᑲᑭᐅᔑᑐᐊᐧᐨ ᐅᒪᐡᑭᑯ ᒪᓯᓇᐦᐃᑲᐣ ᑲᒪᓯᓇᐦᐃᑲᑌᑭᐣ ᐃᑭᑐᐃᐧᓇᐣ. ᐅᐁᐧ ᒪᓯᓇᐦᐃᑲᐣ ᑲᑭᐅᔑᑐᐨ ᒉᕑᐊᑎᐣ ᑯᐯᐣᑐᕑ, ᐁᑲᑫᐧᑭᐁᐧ ᑭᑫᐣᑕᐠ ᐅᑎᔑᑭᔐᐧᐃᐧᐣ ᑲᑭᐱᐊᐸᒋᑐᐸᐣ ᒣᑲᐧᐨ ᐁᐱᐊᐊᐧᔑᔑᐃᐧᐸᐣ.

ᕑᐁ ᐅᑭᐊᓂᒧᑕᐣ ᒋᒥᓄᓭᒋᑲᑌᑭᐣ ᐊᓄᑭᐃᐧᓇᐣ ᒥᓇ ᑯᑕᑭᔭᐣ ᐱᒪᑎᓯᐃᐧᓂᐠ ᑫᒥᓄᓭᐊᐧᑲᓂᐊᐧᐠ

ᑫᑌ ᐅᐣᑌᕑᐃᔪ ᐅᑭᒪᐃᐧᐣ ᐸᐧᑊ ᕑᐁ ᐅᑭᔭᓂᒧᑕᐣ ᐁᓇᑕᐁᐧᑕᑲᐧᐠ ᒋᑕᑲᐧᐠ ᑎᐸᐸᒥᑎᐃᐧᓂᐠ ᐃᓀᑫ ᒋᐃᓇᑫᑲᐸᐃᐧᒪᑲᐠ ᑲᐃᐧᑕᓄᑭᒥᑎᓇᓄᐊᐧᐠ ᐊᐦᑭᑲᐠ ᑲᐅᐣᒋᒪᓂᔓᓂᔭᐊᐧᑌᐠ ᒣᑲᐧᐨ ᑲᑭᒪᐊᐧᒋᐦᐃᑎᓇᓂᐊᐧᐠ ᒥᑭᓯᐃᐧᐱᓯᑦ 17-18 ᐁᐧᑎ ᑕᐣᑐᕑ ᐯ.

ᐱᓯᒧ ᐃᐡᑯᑌ ᑭᐊᑯᑲᒋᑲᑌᐊᐧᐣ ᒋᐊᐧᑌᓂᑲᑌᐠ ᐊᑎᑯᓴᑲᐃᑲᓂᐠ ᐃᐡᑯᓄᑲᒥᑯᐠ

ᓄᑯᒥᑫ ᐊᑎᑯᓴᑲᐃᑲᓂᐠ ᑭᑭᔑᒋᑲᑌ ᒪᐊᐧᐨ ᐁᒥᔕᐠ ᐱᓯᒧ ᐃᐡᑯᑌ ᐁᑭᐅᔑᒋᑲᑌᐠ ᒥᓂᑯᐠ ᐅᒪ ᐊᐧᓂᓇᐊᐧᑲᐠ ᑲᐃᑯᑲᓇᐊᐧᐸᒋᑫᒪᑲᐠ ᐁᑭᐅᓇᑯᑲᒋᑲᑌᐠ ᐱᓯᒧᐠ ᑲᐅᒋ ᐊᓄᑭᒪᑲᐠ ᐃᐡᑯᑌ ᒋᐅᒋᐊᐧᑌᓂᑫᒪᑲᐠ ᐅᑎᐡᑯᓄᑲᒥᑯᐊᐧ.

ᓀᑲᐃᐧᓴᑲᐃᑲᓂᐠ ᐅᐡᑭᓂᑭᓴᐠ ᐅᐱᒪᑫᐧᐸᐦᐃᑫᐠ ᑲᑭᐸᑭᓇᑫᐊᐧᐸᐣ ᑕᑕᑭᐧᐊᐧᐠ ᑭᒋᐦᐊᐃᐧ ᐱᒪᑫᐧᐸᐦᐃᑫᐃᐧᓂᐠ

ᓀᑲᐃᐧᓴᑲᐃᑲᓂᐠ ᑲᐅᐣᒋᐊᐧᐨ ᐊᒥ ᐅᑯ ᐊᑎᐟ ᑲᑭ ᑭᒋᐸᑭᓇᑫᐊᐧᐸᐣ ᒣᑲᐧᐨ ᐊᐊᐧᔑᔕᐠ ᒥᓇ ᐅᐡᑲᑎᓴᐠ ᑲᑭ ᐱᒪᑫᐧᐸᐦᐃᑫᐦᐃᑕᐧᐸᐣ ᐊᐧᓂᓇᐊᐧᑲᐠ ᐁᑲᐧ ᑕᐡ ᐊᑎᐟ ᐃᑭᐁᐧᓂᐊᐧᐠ ᐅᒣᑕᐁᐧᐠ ᒥᒋᐟᐢ ᑲᐃᓂᑕᐧ ᑲᑭᐃᔑᑕᑭᐧᐊᐨ ᒥᓇᐊᐧ ᑕᑭᐁᐧᐡᑲᐊᐧᐠ ᒋᑕᑭᐧᐊᐧᐨ ᑭᒋᐦᐊᐠ ᑲᐃᐧ ᑭᒋᐱᒪᑫᐧᐸᐦᐃᑫᐊᐧᐨ.

ᑕᓀᑕᒥᐃᐁᐧᒪᑲᐣ ᑲᓇᑕ ᐅᑭᒪᐃᐧᐣ $106 ᒥᓫᐃᔭᐣ ᑲᒣᑎᓇᐨ ᔓᓂᔭᐣ ᐃᒪ ᑎᐸᑯᓂᑫᐃᐧᓂᐠ

ᑲᓇᑕ ᐅᑭᒪᐃᐧᐣ ᑲᐱᒧᑕᒪᑫᐨ ᐊᓂᔑᓂᓂᐃᐧ ᑲᓇᐊᐧᐸᒋᑫᐃᐧᓇᐣ ᒥᓇ ᑭᐁᐧᑎᓄ ᒪᒋᑕᐃᐧᓇᐣ (AANDC) $106 ᒥᓫᐃᔭᐣ ᑕᓴᐧᐱᐠ ᑲᑭᐱᒣᑎᓇᐨ ᐃᒪ ᐃᓀᑫ ᐅᓇᔓᐁᐧᐃᐧ ᒪᐃᐧᓀᐡᑯᑕᑎᐃᐧᓂᐠ ᑭᐊᓂᒧᒋᑌᓂ ᐊᑐᐊᐧ ᐁᑲᐧ ᒥᓇ ᑫᐃᐧᓇᐊᐧ ᐃᑭᐁᐧᓂᐊᐧᐠ ᐅᐣᑌᕑᐃᔪ ᐅᑭᒪᑲᓇᐠ.

ᐊᓂᔑᓂᓂᐃᐧ ᐅᓂᑲᓂᑕᒪᑫᐠ ᐁᔭᐣᑲᐧᒣᐣᑕᒧᐊᐧᐨ ᐃᐁᐧᓂ ᑭᒍᑭᒪᐣ ᑲᑭᔑ ᐸᑭᑎᓇᒧᐊᐧᐨ ᐃᐡᑯᓂᐃᐧ ᐃᐧᐣᑕᒪᑫᐃᐧᓂᓂ

ᐊᓂᔑᓂᓂᐃᐧ ᐅᓂᑲᓂᑕᒪᑫᐠ ᐊᐣᑲᐧᒣᐣᑕᒧᐊᐧᐠ ᑕᐱᐡᑯᐨ ᐸᐦᑲᐣ ᒋᐃᐧᐣᒋᓯᓭᐠ ᐃᐁᐧᓂ ᑭᒍᑭᒪᐃᐧᐣ ᑲᑭᔑ ᐃᐧᐣᒋᑫᐊᐧᐨ ᑲᑕᑲᐧᑭᓯᐨ ᑭᓯᐢ 7 ᒋᐸᑭᑎᓂᐨ ᐊᐁᐧ ᔓᓂᔭ $1.9 ᐱᓫᐃᔭᐣ ᓇᐣᑕ ᓂᓱᔭᐦᑭ ᐃᒪ ᐊᓂᔑᓂᓂᐃᐧ ᐃᐡᑯᓂᐃᐧᓂᓂᐠ.

20 ᑕᓱᐊᐦᑭ ᐊᐱ ᑲᑭᒪᑕᓄᑭᐊᐧᐸᐣ ᑲᓀᑎᔭᐣ ᐅᓄᑎᓂᑫᓴᐠ ᑭᐁᐧᑎᓄᐠ ᐅᐣᑌᕑᐃᔪ

ᑲᓀᑎᔭᐣ ᐅᓄᑎᓂᑫᓴᐠ ᒥᓇ ᑯᑕᑭᔭᐠ ᓄᑎᓂᑫᐃᐧᐊᓄᑭᐠ ᐊᔕ ᐅᑭᑭᔑᑐᓇᐊᐧ ᐁᑫᐧᓇᐠ ᐁᑭᑐᑕᒧᐊᐧᐨ ᐊᐧᓴ ᐁᑭᐃᔕᐊᐧᐨ ᑐᑲᐣ ᑲᐸᐸᒥᓇᓇᑲᒋᒋᑫᐃᐧ ᐱᒥᔭᓂᐊᐧᐠ ᑲᑐᒋᑲᑌᐠ, ᑭᐱᒥᔭᐊᐧᐠ 2,250 ᑭᓫᐊᒥᑐᕑᐢ ᐃᐢᑭᑐᑲᐠ ᐁᑭᐅᐣᒋᐱᒥᔭᐊᐧᑫᐊᐧᐨ ᐁᐅᒋ ᑭᑭᓇᐊᐧᑌᐣᑕᑯᑐᐊᐧᐨ ᐊᔕ 20 ᑕᓱᔭᑭ ᐁᐱᒥᐊᓄᑭᐊᐧᐨ ᐅᓄᑎᓂᑫᓴᐠ ᐁᐧᑎ ᑲᑕᓇᓄᑭᐊᐧᐨ ᑭᐁᐧᑎᓄᐠ ᐅᐣᑌᕑᐃᔪ.

ᐊᐧᐱᑭᑲ ᐅᑭᒪᑲᓀᐢ ᓇᐧᕑᒪᐣ ᐱᕑᐊᐅᐣ ᑫᑕᑕᐃᐧᐣ ᑭᐅᐣᒋᐃᐡᑲᐧᐱᒪᑎᓯ

ᐊᐧᐱᑭᑲᐠ ᑲᑭᐱᐅᑭᒪᑲᓂᐃᐧᐸᐣ ᓇᐧᕑᒪᐣ ᐱᕑᐊᐅᐣ ᑲᓄᑫᐣᑕᐊᐧᑲᓄᐃᐧ ᑲᐯᐦᐃ ᐁᑭᐱᐊᓄᑭᑕᒪᑫᐨ ᐊᓂᐣ ᑫᑭᐃᔑ ᑲᑫᐧ ᑭᐱᑎᓂᑲᑌᑭᐸᐣ ᓂᓯᑎᓱᐃᐧᐣ ᐊᓂᔑᓂᓂᐃᐧ ᑕᓇᐱᐃᐧᓇᐣ.

ᐊᑕᐊᐧᐱᐢᑲᐟ ᐅᐱᒧᓭᐠ ᐃᔕᐊᐧᐠ ᐊᑐᐊᐧ ᐅᑌᓇᐠ

ᐁᑭᐁᐧᓇᐱᑕᑯᑲᑕᒪᐠ ᑭᑕᑯᑭᐃᐧᓂᓇᐣ ᐅᑕᓇᐠ, ᓄᑯᑦ ᒥᓇ ᐊᓂᓂᑲᐣ ᐅᐱᒧᓭᐠ ᐃᔕᐊᐧᐠ ᐊᑐᐊᐧ ᐁᐧᑎ ᐊᑕᐊᐧᐱᐢᑲᐟ ᐅᐣᒋᒪᒋᐦᐊᑐᐊᐧᐠ. ᑕᓂ ᒥᑕᑕᐊᐧᐱᐣ ᐱᑕᐯᑯᐠ ᐁᐅᒋᐨ ᑭᐃᑭᑐ ᐅᓇᑕᐁᐧᓂᒪᐣ ᑲᓇᑕ ᒥᓇ ᐅᐣᑌᕑᐃᔪ ᐅᑭᒪᐣ ᒋᓇᑭᐡᑲᐊᐧᐨ ᐅᑭᒪᑲᓇᐠ ᒋᐊᓂᒧᑕᒪᑎᐊᐧᐨ ᐊᓂᔑᓂᓂᐃᐧ ᐊᓂᒥᓭᐃᐧᓇᐣ ᑐᑲᐣ ᐊᐧᑲᐦᐃᑲᓇᐣ, ᓂᓯᑎᓱᐃᐧᐣ, ᐊᑯᓯᐃᐧᐸᒥᐦᐃᑎᐃᐧᐣ ᒥᓇ ᐃᐡᑯᓄᐃᐧᐣ ᐃᒪ ᐃᐡᑯᓂᑲᓇᐣ.

ᑲᓇᑕ ᑭᒋᐅᑭᒪᑲᐣ ᐅᑭ ᑭᑕᑭᒪᐣ ᒪᐣᑌᓫᐊᐊᐧᐣ ᐊᐱ ᑲᔭᓂ ᓇᐦᐃᓂᒪᑲᓄᓂᐨ

ᑲᓇᑕ ᑭᒋᐅᑭᒪᑲᐣ ᔕᐧᐣ ᐁᐃᐣᔓᐟ ᐊᐟᓫᐃᐅ ᐅᑕᓂᔑᓂᓂᐃᐧ ᑐᑕᒧᐃᐧᐣ ᑭᐃᔑᒋᑫ ᒥᓇ ᑭᒥᑭᐁᐧ ᒥᑭᓯᐃᐧᒥᑲᐧᓇᐣ ᒣᑲᐧᐨ ᓀᓫᓴᐣ ᒪᐣᑌᓫᐊ ᐅᒪᒥᑯᐣᑕᑯᐃᐧ ᒪᒪᐃᐧ ᐊᔭᒥᒋᑫᐃᐧᐣ ᑲᑭᑐᒋᑲᑌᐠ ᐁᐧᑎ ᓴᐅᐠ ᐊᑊᕑᐃᑲ ᒪᑲᑌᐃᐧᔭᓯᐃᐧᐊᐦᑭᐠ.

ᐅᐡᑲᑎᓴᐠ ᒪᓯᓂᐱᐦᐃᑫᐊᐧᐠ ᒋᐅᒋ ᐃᐧᒋᐦᐃᑎᓱᐊᐧᐨ

ᐊᓂᔑᓂᓂᐃᐧ ᐅᐡᑲᑎᓴᐠ ᐅᑭᐅᑕᐱᓇᓇᐊᐧ ᑲᑭᑕᐃᐧᓇᒪᐃᐧᐣᑕᐧ ᒋᒪᓯᓂᐱᐦᐃᑫᐊᐧᐨ ᑲᑭᐅᓇᒋᑲᑌᓂᐠ ᒋᑕᔑᑐᑕᒧᐊᐧᐨ ᐃᒪ ᓂᒋ ᒪᓯᓂᐱᐦᐃᑫᐃᐧᑲᒥᑯᐠ ᒪᓯᓂᐱᐃᐦᐃᑫᐃᐧ ᑭᑭᓄᐦᐊᒪᑫᐃᐧᐣ ᑲᑭᐸᑭᑎᓂᑲᑌᐠ ᒣᑲᐧᐨ ᑲᐡᑲᑎᓄᐃᐧᐱᓯᑦ 27 ᐁᐧᑎ ᓴᐱᕑᐃᔭᕑ ᐊᕑᐟ ᑲᓫᐅᕑᐃ (DefSup) ᑕᐣᑐᕑ ᐯ ᐅᑌᓇᐠ.

ᑎᐸᑯᓂᑫᐃᐧ ᑲᓇᐊᐧᐸᒋᑫᐃᐧᐣ ᑭᐊᓂᒧᒋᑲᑌ ᑲᑭᒪᐊᐧᒋᐦᐃᑐᐊᐧᐨ ᐊᓂᔑᓇᐯ ᐊᐢᑭ ᓂᑲᓂᑕᒪᑫᐠ

ᐊᐸᒪᑐᐠ ᐅᑭᒪᑲᐣ ᐊᓂᓯᐸᐟ ᐊᐟᓫᐅᑲᐣ ᐅᑭᑲᓄᑕᓇᐣ ᑯᑕᑭᔭᐣ ᐃᐡᑯᓂᑲᓇᐣ ᐊᔕ ᒋᑭᑲᑫᐧ ᒪᐡᑲᐃᐧᑲᐸᐃᐧᐦᐃᑎᓱᒪᑲᑲᐧᐸᐣ ᐃᐁᐧᓂ ᐅᒋ ᑎᐸᑯᓂᑫᐃᐧ ᑲᓇᐊᐧᐸᒋᑫᐃᐧᓇᐣ ᒣᑲᐧᐨ ᑲᐡᑲᑎᓄᐱᓯᑦ 19-21 ᐊᓂᔑᓇᐯ ᐊᐢᑭ ᑎᐸᑯᓂᑫᐃᐧ ᑲᓇᐊᐧᐸᒋᑫᐃᐧ ᐊᓂᒧᒋᑫᐃᐧᐣ ᑲᑭᒪᐊᐧᒋᐦᐃᑐᐊᐧᐨ.

ᐊᓂᔑᓇᐯ ᐊᐢᑭ ᑭ ᑭᒋᐃᑭᑐᐊᐧᐠ ᒪᐣᑐᒥᓂᑯᐃᐧᐣ ᒥᓇ ᑌᐸᑫᑕᑯᓯᐃᐧᐣ ᒋᐱᒧᑕᒪᓱᐊᐧᐨ ᑭᑭᓄᐊᒪᑫᐃᐧᐣ

ᐊᓂᔑᓇᐯ ᐊᐢᑭ ᐅᑭᒪᐃᐧᐣ ᐅᑐᐱᑲᐸᐃᐧᑕᓇᐊᐧ ᐊᓂᔑᓂᓂᐊᐠ ᐅᒪᐣᑐᒥᓂᑯᓯᐃᐧᓂᐊᐧ ᒥᓇ ᐅᑐᑭᒪᐃᐧ ᐊᔓᑕᒪᑯᐃᐧᓂᐊᐧᐠ ᐃᐧᓇᐊᐧ ᒋᐱᒧᑕᒪᓱᐊᐧᐨ ᐃᐡᑯᓄᐃᐧᓂ ᐊᐱ ᑲᑭᐃᐡᑲᐧ ᐸᑭᑎᓇᑭᐸᐣ ᑲᓇᑕ ᐅᑭᒪᐃᐧᐣ ᐊᓂᐣ ᑲᐃᐧᐃᔑ ᐅᓇᑐᐨ ᐊᓂᔑᓂᓂᐊᐧᐠ ᐅᑎᐡᑯᓄᐃᐧ ᐱᒧᑕᒪᑯᐃᐧᓂᐊᐧ.

ᐊᐧᒐᐡᑯᓂᒥᐠ ᐃᐧᒋᐦᐃᐁᐧᐃᑲᒥᐠ ᑭ ᑭᑭᓇᐊᐧᒋᒋᑲᑌ ᑲᐧᔭᐠ ᐅᐃᐧᒋᐦᐃᐁᐧᐃᐧᓂᐊᐧ

ᒥᓯᐁᐧᑲᒥᐠ ᐱᒧᒋᑫᐃᐧᐣ ᑲᑭᑭᓇᐊᐧᒋᑐᐊᐧᐨ ᑲᓂᓯᑕᐃᐧᓂᑲᑌᑭᐣ ᐃᐧᒋᐦᐃᐁᐧᐃᐧ ᐊᓄᑭᑕᒪᑫᐃᐧᓇᐣ ᐅᑭ ᑭᑭᓇᐊᐧᒋᑐᓇᐊᐧ ᐊᐧᒐᐡᑯᓂᒥᐠ ᐃᐧᒋᐦᐃᐁᐧᐃᐧᑲᒥᑯᓂ.