Click for more information.
view counter

ᐁᐱᒥᑲᓇᐁᐧᐣᑕᐠ ᐅᑕᔑᑫᐃᐧᐣ

Tuesday August 9, 2011

ᓀᑲᐃᐧᓴᑲᐃᑲᓂᐠ ᐅᑭᒪᑲᐣ ᐊᑕᑦ ᐱᐟᓫᐊᕑ ᒪᐊᐧᐨ ᐃᑯ ᐅᑭ ᑭᒋᓇᓇᑯᒪᐣ 20 ᐅᑕᓂᔑᓂᓂᒪᐣ ᑲᑭᐃᐧᒋᐦᐃᑯᐨ ᐁᑲ ᑫᐃᐧᓇᐊᐧ ᑲᑭᐅᐣᒋᓇᑲᑕᒧᐊᐧᐨ ᐅᑕᔑᑫᐃᐧᓂᐊᐧ ᐊᐱᐣ ᑯᑕᑭᔭᐠ ᐊᓂᔑᓂᓂᐊᐧᐠ ᑲᐃᐡᑲᐧ ᒐᑭᒪᒪᒋᐃᐧᓂᑕᐧ ᐁᐧᓴ ᐁᔭᓂᑲᐡᑲᐸᓱᐊᐧᐨ ᐯᔓᐨ ᑲᐱᓴᑭᑌᓂᐠ.
“ᑭᐡᐱᐣ ᐁᑲ ᐃᐧᒋᐦᐃᔑᐊᐧᐸᐣ, ᐊᒥ ᐱᑯ ᒋᑭᑯᓴᐱᓭᔭᑭᐸᐣ,“ ᐱᐟᓫᐊᕑ ᐃᑭᑐ ᒣᑲᐧᐨ ᐅᐸᐡᑯᐃᐧᐱᓯᑦ 28 ᑲᑭᑲᑫᐧᒋᒥᐨ ᒋᑎᐸᒋᒧᐨ. “ᐊᒥ ᑕᐱᐡᑯ ᑲᑭᐃᓀᐣᑕᑲᐧᐠ ᐱᒋ ᑭᒋ ᒋᒪᓂᐠ ᐁᑭᐊᔭᔭᐠ - ᐃᐧᓇᐊᐧ ᐁᐱᒪᑲᐧᔑᐁᐧᐊᐧᐨ ᐁᑲᐧ ᓂᐣ ᐁᑕᑲᐧᐦᐊᒪᐣ.
ᑭᐡᐱᐣ ᐁᑲ ᐅᐣᒋᐃᐧᒋᐦᐃᔑᐊᐧᐸᐣ, ᒥᐱᑯ ᐁᑲ ᓇᐣᑕ ᒋᑭᐃᔑᐃᐧᒋᐦᐃᑎᓱᔭᑭᐸᐣ, ᒥᑕᐡ ᑲᐅᒋ ᓇᓇᑯᒪᑲᐧ ᐅᑯᐁᐧᓂᐊᐧᐠ ᓂᔑᑕᓇ ᐊᐃᐧᔭᐠ ᑲᑭᐃᐧᒋᐦᐃᔑᐊᐧᐨ.“
ᐅᑯᐁᐧᓂᐊᐧᐠ ᐁᑲ ᑲᑭᐅᐣᒋᒪᒐᐊᐧᐨ ᐅᑭᐅᐣᒋ ᑲᓇᐁᐧᐣᑕᓇᐊᐧ ᐱᒥᐸᓂᒋᑲᓂ ᒋᐱᒥᐱᑌᓂᐠ ᒥᓇ ᐃᑲᐧᐦᐅᐸᓂ ᒋᐱᒥᔭᓄᑭᒪᑲᓂᐠ ᐯᑭᐡ ᑲᔦ ᐁᑭᐅᐣᒋ ᓇᓇᑲᒋᑐᐊᐧᐨ ᐊᐧᑲᐦᐃᑲᓇᐣ.
ᐅᑭᐊᔭᑐᓇᐊᐧ ᑲᔦ ᐅᐣᒋᑲᐃᐧᒋᑲᓇᐣ ᐃᒪ ᐊᐧᑲᐦᐃᑲᓇᐣ ᑲᐃᔑᐸᐸᑕᑭᑌᑭᐣ ᒥᓇ ᐱᑯ ᒥᔑᐣ ᑭᒋᐊᐧᑲᐦᐃᑲᓇᐣ ᐁᑲ ᒋᐅᒋᐸᓯᑌᑭᐣ.
ᐱᐟᓫᐊᕑ ᐃᑭᑐ ᐃᐧᐣ ᐅᑭᑲᓇᐊᐧᐸᒥᑯᐣ ᑲᐅᑭᒪᑲᓂᐃᐧᐨ ᐁᑲ ᒋᓇᑲᑕᐠ ᐅᑕᔑᑫᐃᐧᐣ ᐃᐧᓂᑯ ᒋᐅᐣᒋ ᑲᓇᐁᐧᐣᑕᐠ ᒣᑲᐧᐨ ᐅᐸᐡᑯᐃᐧᐱᓯᑦ 21 ᐅᑎᐸᒋᒧᐃᐧᐣ
ᑲᑭᐸᑭᑎᓂᑲᑌᓂᑭᐸᐣ ᒪᒪᐣᑕᐃᐧ ᐱᐊᐧᐱᑯᐠ, ᑭᐸᑭᑎᓂᑲᑌᐸᐣ ᒋᐅᐣᒋ ᑭᑫᐣᑕᒧᓂᑕᐧ ᑲᑭᒪᒋᐃᐧᓂᑕᐧ ᐊᓂᐣ ᐁᓂᔑᐡᑲᒪᑲᓂᐠ ᑲᓴᑭᑌᓂᐠ ᐯᔓᐨ ᐅᑕᔑᑫᐃᐧᓂᐊᐧᐠ.
“ᑲᐃᐧᓂᐣ ᐃᑯ ᐁᑕ ᐃᒪ ᐸᐣᐟ ᐊᐸᐢ ᒪᓯᓇᐦᐃᑫᐃᐧᑲᒥᑯᐠ ᐃᓀᑫ ᐣᑎᔑᓂᑲᓂᑕᒪᑫᓯᐣ,“ ᐱᐟᓫᐊᕑ ᐃᑭᑐ. “ᐃᒪ ᑲᔦ ᐁᐧᐡᑲᐨ ᑲᑭᐱᔑ ᓂᑲᓂᑕᒪᑫᐨ ᐅᑭᒪᑲᐣ ᒋᐅᐣᒋ ᑲᓇᐁᐧᓂᒪᐨ ᒥᓇ ᐁᑲ ᓇᐣᑕ ᒋᔑᒪᒋᓭᓂᐨ ᑲᑭᓇ ᐅᑕᓂᔑᓂᓂᒪᐣ ᒥᓯᐁᐧ ᑲᐊᔭᓂᐨ ᐅᑕᔑᑫᐃᐧᓂᐠ ᓂᑎᓇᓄᑭᑕᒪᑫ.“
ᐱᐟᓫᐊᕑ ᐃᑭᑐ 20 ᐅᑕᓂᔑᓂᓂᒪᐣ ᒪᐊᐧᐨ ᐅᑭᓴᓯᐣᑌᐣᑕᒥᐃᑯᓇᐊᐧ ᑲᑭᓴᑭᑌᓂᐠ ᐯᔓᐨ ᐅᑕᔑᑫᐃᐧᓂᐊᐧᐠ.
ᔕᑯᐨ ᑲᔦ ᐣᑭᑯᓯᑫᐧᐣᑕᒥᐣ ᒥᓇ ᐣᑭᒥᑯᐡᑲᑌᑕᒥᐣ ᐁᑭᑫᐣᑕᒪᐠ ᐣᑕᓂᔑᓂᓂᒥᓇᓂᐠ ᒥᐢᑕᐦᐃ ᐁᑭᒋᐊᓂᒥᓭᐊᐧᐨ ᐸᑲᐣ ᐁᐧᑎ ᑕᐃᐧᓂᐠ ᑲᑭᐊᐃᔑᐃᐧᓂᑕᐧ,“ ᑭᐃᑐ.
ᑫᑲᐟ ᑲᑭᓇ ᓀᑲᐃᐧᓴᑲᐃᑲᓂᐠ 2,700 ᑲᑕᓯᐊᐧᐨ ᑭᒪᒋᐃᐧᓇᐊᐧᐠ ᒣᑲᐧᐨ ᐅᐸᐡᑯᐃᐧᐱᓯᑦ 18 “ 21 ᑲᐃᓇᑭᓱᐨ ᐊᐱ ᑲᑭᔭᓂ ᑭᒋᑲᐡᑲᐸᑌᐠ ᓇᐣᑕ ᐱᑯ ᓴᑲᓱᑎᐸᐦᐊᑲᐣ ᐁᐱᓯᓇᑲᐧᓂᐠ ᑲᓴᑭᑌᓂᐠ ᐁᐧᑎ ᐱᒥᐸᓂᒋᑫᐃᐧᑲᒥᑯᐠ ᑲᐃᔑᐊᑌᓂᐠ. ᐁᑲᐧ ᒣᑲᐧᐨ 21 ᑲᐃᓇᑭᓱᐨ, ᑭᔭᓂᓇᐣᑭ ᓴᑭᑌ 3,500 ᐦᐁᑐᕑᐢ ᒥᓂᑯᐠ.
ᐱᐟᓫᐊᕑ ᑭᐃᑭᑐ ᐅᑭᐅᓀᐣᑕᐣ ᐁᑲ ᒋᓇᑲᑕᐠ ᐅᑕᔑᑫᐃᐧᐣ ᐸᓂᒪ ᐱᑯ ᐊᐱᐣ ᐁᑲ ᑭᐃᔑᓇᑲᐧᓂᐠ.
“ᐣᑭᑭᑫᐣᑕᐣ ᐁᑭᐱᑕᑕᑯᔑᓄᐊᐧᐨ ᐊᒥᑯᑭᒪ ᐅᑕᑕᐁᐧᐦᐃᑫᐃᐧᓂᓂᒪᐣ ᑭᐡᐱᐣ ᐊᐸᐣ ᐊᓂᐅᓴᒥᐯᔓᓇᑲᐧᐠ
ᑲᓴᑭᑌᐠ,“ ᐱᐟᓫᐊᕑ ᐃᑭᑐ. “ᐣᑕᔭᐣ ᑲᔦ ᒋᒪᐣ ᐁᒉᑭᓯᐠ ᓇᓯᐱᐠ ᒋᐅᐣᒋᐳᓯᐸᓂᐦᐅᔭᐣ ᑭᐡᐱᐣ ᐃᐧᐣ ᐊᐸᐣ ᐃᓯᓭᐠ ᒋᔭᐸᒋᑐᔭᐣ.“
ᑲᐃᐧᐣ ᑕᐡ ᒋᐅᐣᒋ ᐱᔕᒪᑲᓂᐠ ᐃᐡᑯᑌᓂ ᐅᑕᔑᑫᐃᐧᓂᐠ. ᐊᒋᓇ ᑲᔦ ᑭᑕᑫᐣᑕᑲᐧᐣ ᐁᑭᐅᐣᒋ ᐃᐧᒋᐦᐃᑯᐊᐧᐨ ᐅᑕᑕᐁᐧᐦᐃᑫᐠ ᐁᑭᐅᒋ ᐅᐣᒋᑭᐱᑎᓇᒧᐊᐧᐨ ᐁᑲ ᐯᔓᐨ ᒋᐱᑕᑭᑌᓂᐠ.
ᐃᒪ ᓇᐣᑕ 100 ᐅᑕᓄᑭᐠ ᑲᑭᒪᒐᐊᐧᐸᐣ ᐅᐸᐡᑯᐃᐧᐱᓯᑦ ᑭᐱᑭᐁᐧᐡᑲᐊᐧᐠ 27 ᑲᐃᓇᑭᓱᓂᐨ ᐁᐱ ᐊᐧᐃᐧᒋᐦᐊᐧᐊᐧᐨ ᒥᓇᐊᐧ ᑲᐃᐧᐱᑭᐁᐧᐃᐧᓂᑕᐧ ᑲᑭᒪᒪᒋᐃᐧᓂᑕᐧ ᐊᐱ 29 ᐃᓇᑭᓱᓂᐨ.
“ᐊᐱ ᑲᑕᑯᔑᓇᐠ ᑲᐊᐱᑕᐊᐧᐠ (ᐅᐸᐡᑯᐃᐧᐱᓯᑦ 27), ᒥᐢᑕᐦᐃ ᐣᑭᐱᐣᒋᐡᑲᑯᐣ ᒧᔑᐦᐅᐃᐧᐣ,“ ᐱᐟᓫᐊᕑ ᐃᑭᑐ. “ᑲᐯᐦᐃ ᐁᑭᐱᒥ ᓴᓯᐣᑌᐣᑕᒪᐣ, ᐁᑲᐧ ᐊᐱᐣ ᑲᐱᐸᐳᓂᐊᐧᐨ ᐊᐸᐣ ᑲᐸᑭᒋᐊᐧᓀᐦᐃᑯᔭᐣ ᐣᑭᐃᓇᒪᒋᑐᐣ ᓂᑎᑎᒪᐣ. ᒥᐱᑯ ᐸᔦᐡ ᐁᑭᐸᑭᑌᐣᑕᒪᐣ
ᐊᐱᐣ ᑲᒪᒋᐃᐧᓂᑕᐧᐸᐣ ᐁᑭ ᑭᑫᐣᑕᒪᐣ ᐃᐧᑲᐸᐃᐧᑕᑯᐃᐧᐣ ᐁᑭ ᑭᐁᐧᑌᐱᓇᒪᐣ ᐣᑕᔑᑫᐃᐧᓂᐠ.“
ᐁᑲᐧ ᒣᑲᐧᐨ ᐅᐸᐅᐃᐧᐱᓯᑦ 1, ᐃᒪ ᓇᐣᑕ 1,213 ᓀᑲᐃᐧᓴᑲᐃᑲᓂᐠ ᐊᔕ ᑭᑭᐁᐧᐃᐧᓇᐊᐧᐠ.
ᓀᑲᐃᐧᓴᑲᐃᑲᓂᐃᐧᑫᐧ ᒣᓫᐅᑎ ᒪᓄᑭᓯᐠ ᐃᑭᑐ ᐁᑭᑌᐱᓇᐁᐧᓯᐨ ᑲᑭᒪᒋᐃᐧᓂᐨ ᐅᐸᐡᑯᐃᐧᐱᓯᑦ 19 ᐊᐱ ᑲᐃᐡᑲᐧᐊᐧᐸᐣᑕᐠ ᐁᒪᓯᓇᑭᑌᓂᐠ ᑲᐃᔑᓴᑭᑌᓂᐠ ᐁᑭᒋᓴᑲᐸᑌᓂᐠ ᐃᒪ ᐊᑲᐧᒋᐠ ᑲᑦᐸᓂ ᐊᑕᐁᐧᐃᐧᑲᒥᑯᐠ.
“ᑲᐃᐧᓂᐣ ᒋᐃᐧᒪᒐᔭᐸᐣ, ᐁᑲᐧ ᐊᐱ ᑲᐃᐡᑲᐧ ᐊᐧᐸᐣᑕᒪᐣ ᑲᒪᓯᓇᑭᑌᐠ, ᒥᐱᑯ ᑲᐃᔑ ᒪᒥᓀᐧᐣᑕᒪᐣ ᐱᒥᓭᐃᐧᐳᓂᐃᐧᓂᐠ ᐁᐃᔑᐃᐧᓂᑯᔭᐣ,“ ᒪᓄᑭᓯᐠ ᐃᑭᑐ ᐁᔭᓂᐊᐧᐸᓂᐠ ᐊᔑᐨ ᐁᓂᓱᔭᑭᐃᐧᓀᓂᐨ ᐅᑯᓯᓴᐣ ᑲᐃᐡᑲᐧᒪᒋᐃᐧᓂᑕᐧ. ᔐᒪᐠ ᐃᑯ ᑌᐱᓇᐠ ᐣᑭᐸᐱᓇᐦᐃᑫ ᑫᒪᒋᐃᐧᑐᔭᐣ ᓇᑫ ᑲᑭᐃᔑᐃᐧᓂᑯᔭᐠ ᐱᒥᓭᐃᐧᐳᓂᐃᐧᓂᐠ
ᐁᑭᐃᑭᑐᓇᓄᐊᐧᐠ ᐱᒥᓭᐃᐧᐣ ᒋᔭᓂᒪᒋᑯᑌᐠ ᐊᐱᑕᐃᐧᑎᐸᐦᐃᑲᐣ. ᐊᐸᐣ ᑲᑭ ᑭᑫᐣᑕᒪᐣ ᐅᐨᑦ ᐸᐣᑭ ᐁᑭᒪᒋᐃᐧᒋᑫᔭᐣ. ᑲᐃᐧᐣ ᒋᐅᐣᒋᑌᐯᐧᔦᑕᑲᐧᐠ. ᓂᐢᑕᑦ ᐅᑎ ᑲᐃᐧᐣ ᒋᐅᐣᒋᑌᐯᐧᔦᐣᑕᑲᐧᐠ.“
ᒪᓄᑭᓯᐠ ᒥᓇ 250 ᑯᑕᑭᔭᐠ ᓀᑲᐃᐧᓴᑲᐃᑲᓂ ᐊᓂᔑᓂᓂᐊᐧᐠ ᑭᑲᐯᔑᐦᐊᐊᐧᐠ ᐱᑕᐧᕑᐃᔭ ᐃᐣ ᐁᐧᑎ ᑕᐣᑐᕑ ᐯ ᐃᑭᐁᐧᓂᐊᐧᐠ ᒪᐊᐧᐨ ᓂᑲᐣ ᑲᒪᓯᓇᐦᐃᑲᓱᐊᐧᐨ ᒋᒪᒋᐃᐧᓂᑕᐧ ᐅᐸᐡᑯᐃᐧᐱᓯᑦ 18-19. ᐁᑲᐧ ᒥᓇ ᑭᔭᐱᐨ 750 ᑭᔭᓂ ᓇᐣᑭᒪᒋᐃᐧᓇᐊᐧᐠ ᓂᑲᐣ ᑲᑭᒪᓯᓇᐦᐃᑲᓱᐊᐧᐨ. 1,000 ᐊᓂᔑᓂᓂᐊᐧᐠ ᑭᒪᒋᐃᐧᓇᐊᐧᐠ ᒣᑲᐧᐨ ᐅᐸᐡᑯᐃᐧᐱᓯᑦ 20 “ 21 ᑲᐃᓇᑭᓱᓂᐨ ᐊᐣᑎ ᐱᑯ ᑌᑎᐸᐦᐃ ᐅᐣᑌᕑᐃᔪ ᐁᑭᐊᐃᔑᐃᐧᓂᑕᐧ, ᐊᔑᐨ ᒥᓇ ᐃᒪ ᐅᑕᐸᓂᐠ ᐁᑭᐅᐣᒋ ᐳᓯᐦᐃᐣᑕᐧ ᒣᑲᐧᐨ ᑲᐊᐱᑕᑎᐱᑲᓂᐠ ᐁᐃᔑᐃᐧᓂᑕᐧ ᐊᐧᐊᐧ ᑲᐃᒋᑲᑌᐠ ᑕᔑᑫᐃᐧᐣ. ᐁᑲᐧ ᑯᑕᑭᔭᐠ ᐊᔕ ᑭᐅᐣᒋᒪᒐᐸᓂᐠ ᑲᒪᐧᔦ ᐅᓇᑌᐠ ᒋᒪᒪᒋᐃᐧᓂᑕᐧ
ᓇᐣᑕ ᒥᓇ ᐃᐧᓇᐊᐧ ᐱᑯ ᑭᒪᒋᐃᐧᓂᑎᓱᐊᐧᐠ.
ᐃᒪ ᓇᐣᑕ 3,000 ᐊᓂᔑᓂᓂᐊᐧᐠ ᑭᒪᒋᐃᐧᓇᐊᐧᐠ ᐁᐧᓴ ᑲᑭᑲᐡᑲᐸᑌᓂᐠ ᓇᐣᑕ ᐯᔓᐨ ᑲᑭᐱᑕᑭᑌᓂᐠ ᐅᑕᔑᑫᐃᐧᓂᐊᐧᐠ ᐃᒪ ᐯᔑᑯᔕᐠ ᐃᐡᑯᓂᑲᓇᐣ ᐅᒪ ᑌᑎᐸᐦᐃ ᐊᓂᔑᓇᐯ ᐊᐢᑭ ᑎᐯᐣᒋᑫᐃᐧᓂᐠ.
ᐱᔑᐃᐧᓴᑲᐃᑲᓂᐠ ᒥᓇ ᑯᒋᒋᐣᐠ ᑲᑭᓇ ᑭᒪᒋᐃᐧᓇᐊᐧᐠ ᐁᑲᐧ ᒥᓇ ᐁᐧᑎ ᐊᑎᑯᓴᑲᐃᑲᓂᐠ, ᐊᐸᒪᑐᐠ, ᑲᓴᐸᓇᑲ, ᑭᐢᑭᒪᓂᓯᐊᐧᐳ, ᒣᐡᑭᑲᐧᑲᒪᐠ, ᒣᒣᑫᐧᔑᐃᐧᓴᑲᐃᑲᓂᐠ ᒥᓇ ᐊᐧᐊᐧᑲᐱᐃᐧᐣ ᐸᐸᐣᑭ ᑭᐅᐣᒋ ᒪᒪᒋᐃᐧᓇᐊᐧᐠ.
ᐁᑲᐧ ᔕᑯᐨ ᐅᐁᐧ ᒣᑲᐧ ᐅᐸᐅᐃᐧᐱᓯᑦ 1 ᑲᐃᓇᑭᓱᐨ, ᐃᒪ ᓇᐣᑕ 2,582 ᑲᑭᒪᒋᐃᐧᓂᑕᐧ ᐊᔕ ᑭᑭᐁᐧᐃᐧᓇᐊᐧᐠ ᐅᑕᔑᑫᐃᐧᓂᐊᐧᐠ. ᐅᑯᐁᐧᓂᐊᐧᐠ ᑲᐊᓄᑲᑕᒧᐊᐧᐨ ᐅᑎᓀᐣᑕᓇᐊᐧ ᑲᑭᓇ ᑲᑭᒪᒋᐃᐧᓂᑕᐧ ᐊᔕ ᒋᒐᑭ ᑭᐁᐧᐃᐧᓂᑕᐧ ᐅᐸᐅᐃᐧᐱᓯᑦ 3 ᐃᓇᑭᓱᓂᐨ.


Email to a Friend
qr code
add to del.icio.us

Stumble It!

Post new comment

Comment policy

All comments submitted to Wawatay News Online must have a correct name, location and email address of the user. Wawatay will not approve comments without the required information.

The approval of comments will also be subjected to relevancy, laws of defamation and good taste.

Once posted, comments become the property of Wawatay News. Wawatay News reserves the right to publish or use this comment in any way in the future for online use, in print, and by any other media at the discretion of Wawatay News.

The content of this field is kept private and will not be shown publicly.